港人大呻尖沙咀海景餐廳食飯中伏！職員態度差＋漏單 呢樣最離譜

尖沙咀海景餐廳食飯中伏

事主當日7點半入到餐廳，跟從服務員的指示用QR Code 落單，約7點43分成功下單，但就等到8點20分食物都還未到，事主感覺有啲奇怪，便多次詢問職員，但對方卻愛理不理，雖然口說會幫事主檢查一下上菜情況，但其實是敷衍事主根本沒有跟進，而且表情更是一副厭世樣。事主再等等多5分鐘，最後忍不住衝去水吧、廚房詢問，才得知原來該QR Code並沒有連接電腦系統。

牛扒勁生：「完全食唔到，食一舊，吐一嚿」

後來廚房於10分鐘內將牛扒送上，但事主指塊扒完全是生，「完全食唔到，食一舊，吐一嚿」，接著經理急忙收回牛扒，並向事主賠罪指該牛扒並不會收費。最後2杯飲品加1個小食，埋單逾3百，再收加10%服務費，但事主不滿投訴：「佢服務過我乜嘢？」，忍無可忍大鬧：「尖沙咀海景喎，就咁嘅質素？點怪得人上深圳消費？」、「全晚間餐廳入座率得2-3成，職員態度散漫，廚房仔亂X咁做，執柒咗佢啦！

網民不滿：等成半個鐘已唔想食！

不少網民都替事主感到不值，「 隔住個Mon都feel到有幾嬲！！！我相信，好多人都係香港食肆奶過嘢，先放棄香港食肆」、「記住加一服務費唔係一定等如有服務，正如生果金唔一定係買生果」。有港人指出連鎖餐廳普遍水準一般，建議事主可以去小店搵食，「大商場真係多伏，想好食真係少有，去返啲唔係集團式嘅餐廳相對穩妥」。

有網民指餐廳逾半個小時才上菜實在太離譜，「等九個字你煮得再好我食落都無味」、「等成40-50分鐘，仲唔走，單都唔埋」 。