大埔
大埔

大埔老字號朝早十點半就收檔 街坊大鬧:痴X線!成日都摸門釘

飲食熱話

廣告

大埔老字號欽記粉麵朝早十點半就收檔被鬧!港人不常都會到名氣餐廳朝聖、「吃好西」,但能夠成功到訪,吃到想吃的東西有時都不是件易事!近日有網民於社交平台分享一間位於大埔的餐廳早上已關門收檔,大鬧餐廳痴X線。事件引起一眾街坊討論,反應超兩極。

大埔熟食中心老字號欽記粉麵10:30am就收檔 經營模式捱轟

大埔有多間餐廳林立,是新界人覓食的好去處,當中大埔墟街市及熟食中心就更受街坊歡迎!位於大埔熟食中心2樓的欽記粉麵是一間魚蛋粉老店,於區內極有名氣,其手打魚蛋用門鱔製造,以彈牙、魚味鮮甜濃郁聞名。不少港人都會特意來小店朝聖,但偏偏欽記的經營模式為早開早收,每日售完即止,不定時關門放假,令很多慕名而來的食客摸門釘、望門興嘆。

大埔 有網民於社交平台分享一間位於大埔的餐廳早上已關門收檔,大鬧餐廳痴X線
有網民於社交平台分享一間位於大埔的餐廳早上已關門收檔,大鬧餐廳痴X線(圖片來源:FB@大埔 TAI PO)

近日,有網民於Facebook群組「大埔 TAI PO」發帖指欽記「痴X線!晨早10點半就賣X晒收檔」,其上載的照片可見店內已關燈,準備關門,而門外的食客仍然熱鬧擠擁。

大埔 火鍋配料清單推介|元合手打魚蛋,外形雪白偏身,味道上魚香、鹹鮮十足,彈牙度高,非常爽口,雖然價錢稍貴,但味道質感都最好食!
(示意圖,非欽記圖片)欽記粉麵是一間魚蛋粉老店,於區內極有名氣,其手打魚蛋用門鱔製造,以彈牙、魚味鮮甜濃郁聞名(圖片來源:新假期編輯部)

網民反應超兩極

帖文一出已引來一眾網民熱議,當中觀點兩極化。有人認為餐廳食物並不好吃,不解為何要這樣早關門;也有人認為店家「賣晒閂門好正常」。

反對派揭:唔好食、態度差 咁早閂門因為多單?

不少反派網民指曾遇相似經歷,指「住喺大埔嘅人都知道呢間欽記成日都摸門釘」、「上次11點我已經O曬咀,不如唔好開啦」、「我試過2 次10 點幾去買外賣都話賣晒,之後冇再幫襯」、「佢話就話星期日休息,但事實係平日去都會成日摸門釘,成日想食都食唔到,就算有開門都好,我最愛既粗皮成日都好快賣晒」。亦有吃過的食客覺得「魚旦細細粒不好食,真不好意思,只怪我不懂欣賞」、「真係咁好食咩」、「一啲都唔好食」。

大埔 有人認為餐廳食物並不好吃,不解為何要這樣早關門
有人認為餐廳食物並不好吃,不解為何要這樣早關門(圖片來源:FB@大埔 TAI PO)

更有網民揭店家「態度差」,跟不同食客會有不同的差別待遇,不少人表示「有時仲話賣晒,跟住又賣比啲熟客」、「我9:45去到又話賣晒,轉個頭又係咁賣,阿叔一見到多單積壓就話賣晒」、「我930都係賣晒啦!但係個老闆之後又繼續接order 喎!佢根本鐘意就賣俾你,唔鐘意就話賣晒」,指出「食碗粉要受氣,又唔係特別好食,點解要咁犯賤去俾人玩」。

支持派撐:好合理

支持派街坊認為欽記好吃,指「我夠膽講係我食過最好食嘅魚蛋」、「可遇不可求的世一魚蛋」、「難怪大埔欽記魚蛋粉比拼皆名列前茅。係好多人心目中的No.1」。對於其經營模式,網民認為餐廳有職人精神,「賣晒收工好合情合理」、「唔係人人好似你咁要日捱夜捱,自己生意,伙計都可能係自己人,賣晒收工好正常!」、「早收工又要比你插」、「真正嘅Work Life Balance,咁先有返生活」。

大埔 也有人認為店家「賣晒閂門好正常」
也有人認為店家「賣晒閂門好正常」(圖片來源:FB@大埔 TAI PO)
大埔 更有人為老闆護航,指餐廳其實很早開門,早早關門也非常合理
更有人為老闆護航,指餐廳其實很早開門,早早關門也非常合理(圖片來源:FB@大埔 TAI PO)

更有人為老闆護航,指餐廳其實很早開門,早早關門也非常合理,「通常晨早4點就開始預備,11點收野晒,都已經做7小時,做應該係無停手,之後仲可能有啲行政野搞,例如入貨。其實都做夠啦」、「老細5、6點就開擋,一路開一路買,你哋瞓到未轉身啦」。

原文來源:FB@大埔 TAI PO

大埔老字號怎了?

欽記的經營模式為早開早收,每日售完即止,不定時關門放假,令很多慕名而來的食客摸門釘、望門興嘆,更多詳情……

網民反應如何?

網民於社交平台分享一間位於大埔的餐廳早上已關門收檔,大鬧餐廳痴X線。事件引起一眾街坊討論,反應超兩極。

關鍵詞
飲食熱話
圖片來源:FB@大埔 TAI PO,新假期編輯部