天價沙嗲牛炒大光麵$180一碟惹熱議 方榮記老闆親解釋1貴價原因
廣告
本土品牌大光麵早前因電視節目爆紅，全城人都在瘋狂搶購以大力支持，不過最近有港人發現九龍城方榮記出現天價沙嗲牛炒大光麵，引起網民分兩派熱議，有網民認為價錢高昂「賺到出血喎！」，亦有網民認為明碼實價沒有問題。
天價沙嗲牛炒大光麵盛惠$180
有港人在網上分享目睹九龍城方榮記竟售$180一碟沙嗲牛肉炒大光麵，並指「方榮記啲價錢不嬲都係離地」，引起網民紛紛轉載熱議，不少網民都認為該店是趁大光麵的熱潮，乘機坐地起價，「現今香港得大光麵者得天下」、「賺香港人錢都唔好賺到咁盡吖」、「本土就係俾呢班「本土」做死囉」。不過，有另一派網民覺得店鋪是明碼實價可以接受，「打開門做生意，大大隻字明碼實價，願者上釣啫，有咩問題呢？」、「佢咁寫你可以唔食架嘛」。
數年前已用大光麵 老闆解釋用料講究
不過其實方榮記早在大光麵熱潮之前，一直都有使用大光麵作食材，查看頂好大光麵的官方Facebook，在2021年便曾發布方榮記的沙嗲牛肉炒大光麵，而去年方榮記曾因要價$250的頂級牛肉粉成熱話，翻查當時的圖片，亦可見與現時價格相同，並沒有乘機坐地起價。方榮記老闆則解釋沙嗲牛肉炒大光麵供1至2人用，貴價的主要原因在於沙嗲牛選用了靚和牛，他亦指出其實店鋪有其他價格較為相宜的麵款，對於網民的批評，他表示：「又冇迫人食」。
關鍵詞
飲食熱話
圖片來源：Facebook圖片、Facebook@頂好大光麵、Facebook@香港茶餐廳及美食關注組
