港男怒斥冰室買外賣麵包只收現金唔收八達通！網民反撐店家：無人逼你買
港男斥餐廳外賣麵包不收八達通
該名港男日前在Facebook群組「香港茶餐廳及美食關注組」出post，指自己早前去紅豆冰室堂食，結帳時順道買一個外賣麵包，卻被店員告知外賣麵包只收現金，港男非常生氣，直斥店家「明明有八達通，在外面買個包都吾收」，如果要用八達通付款，就只限堂食，令他要分開兩次付款，非常氣結。
港男不忿店家所為、無端懷疑「一間鋪有兩個商業登記」
港男再解釋，自己之所以如此氣憤，是因為知道餐廳是有裝八達通機，但外賣麵包就只能收現金，「在堂食食個菠蘿油就可以用，但外賣就吾可以用」，覺得店家經營手法有問題，因此上網發文，更無端開始質疑餐廳「懷疑一間舖有兩個商業登記」，令人感覺匪夷所思。
網民轟店家不思進取：我去7仔都用信用卡
樓主出post後不久，即引來大批網民留言。有少數網民表示對樓主意見有同感，指「我去7仔買包都嘟信用卡，茶記真係不思進取」、「我求其搵一間賣十幾蚊雞燒賣魚蛋腸粉撈麵都係有用八達通俾錢」；又有網民留言力撐樓主「通常只收現金我唔會去」、「唔好幫襯佢，扮曬野」；有網民更指店家不懂做生意思想落後：「老闆唔願意俾3%八達通服務費，所以咪全部客人都用唔到！3%分開平均數跟本唔係多，都唔明啲人只係識得管婆仔數又唔識睇大數」。
8成網民撐店家：有人逼你去買？
不過更多的網民都是撐店家做法沒問題，「用現金有咩問題？」、「好多鋪頭賣包counter 都係只收現金」，更反指樓主如果不滿意，「咁你咪唔好買囉，迫你食？」；有網民認為「老闆有老闆做法，顧客有顧客想法，顧客接受就幫襯，不接受就吾好幫襯，所有買賣都係咁」；有網民為店家解釋「賣個包無錢賺，你買個包用八達通又要比手續費，少少錢，比現金啦」、「電子支付營運成本邊到嚟？…係要被人每個生活細節抽水先開心」，認為老闆收現金夠晒醒目；更有網民反斥樓主小心眼「少少嘢咁勞氣對身體無益」，更指出如果人人也這樣，「今日你要人收八達通，聽日又有人鬧唔收微信支付，後日又話要收信用卡，人哋咪好唔得閒？」，勸樓主「唔好太依賴電子消費」。
