爆笑！外傭姐姐咁樣處理中華沙津 網民：不如索性煮熟嚟食
廣告
香港不少家庭都有僱用外傭姐姐幫忙處理家務，以減輕壓力，近日有港媽爆笑分享家中的姐姐用非一般的做法處理中華沙津，引得一眾網友哭笑不得，更一同分享姐姐蝦碌趣事！
姐姐洗中華沙津？
最新有港媽在Facebook群組「表揚好姐姐開心分享區」分享1件趣事，「原本整壽司卷，點知姐姐將中華沙律洗左。」原來該位港媽的外傭姐姐將日式中華沙律當作一般蔬菜洗乾淨備用，本來附有的醬汁和芝麻都洗走，有網友抵死回應「唔緊要啦，索性煮熟佢嚟食」，獲港媽回覆「無呀，我照食」，並附上壽司卷的最終完成作！
網民爆笑分享姐姐煮飯趣聞 ：食過清蒸壽司未？
帖文不但引一眾網民笑爆嘴，亦一同分享姐姐的蝦碌趣事，「我個姐姐攞d壽司去蒸熟」、「我姐姐拎壽司加水煲粥俾我」，又有網友笑指「無事啦，有無試過整多春魚佢洗哂啲春呀」、「我姐姐試過洗肉碎」、「以前姐姐都試過洗晒啲炸魚皮」令人哭笑不得！而大閘蟹都有開心分享，「我個姐姐試過大閘蟹買返嚟洗咗之後剪繩，跟住同我哋講話唔識煮因為d蟹行嚟行去」、「之前個姐姐叫佢洗大閘蟹，心唸奇怪點解洗咁耐原來佢幫隻蟹蚶去毛」。
關鍵詞
飲食熱話
圖片來源：Facebook@表揚好姐姐開心分享
