女朋友投訴卡邦尼意粉用煙肉唔係用Guanciale！男朋友委屈呻：使唔使咁串！

男朋友整煙肉卡邦尼意粉！女朋友即投訴「唔係用Guanciale！」

有另一半親手整愛心餐點固然是好事，不過最近有男網民於連登討論區發文投訴，自己整的卡邦尼意粉被女朋友大鬧。原來是男事主用煙肉整卡邦尼意粉，誰知女朋友一看到後，立即大鬧「唔係用Guanciale（風乾豬面頰肉）」。

女朋友扔煙肉餵狗 男事主大鬧「使唔使咁串」

而女朋友發現男朋友是用煙肉作配料後，立即把煙肉拿去餵狗，讓男事主表示嘩然，忍不住把這段經歷放上討論區，圖文並茂描述出是次事件，更於文末大鬧「使唔使咁串」。

網民一看賣相 笑指「仲未同你分手，執到啦！」

事主也有把今次的愛心卡邦尼意粉貼在討論區中，只見蛋汁煮至全熟，看到一顆顆炒蛋，配上意粉、切絲洋葱及黑椒調味。不過不少連登討論區的網民看完賣相後，表示驚恐，有人指出「唔好講煙肉住，你個汁啲蛋熟晒仲大問題」、「個蛋漿過熟起粒呢度要練練」、「番茄炒蛋咁」、「炒蛋意」、「啲蛋熟晒啦師兄！煙肉係其次，主要個蛋汁，肯食已經比足面」、「用煙肉不如唔好煮」、「練好咗個汁先，啲煙肉分開落最後先撈」、「呢個炒蛋意粉嚟」，大家都把重點放到食物賣相上，而事主亦表示女朋友今日叫他不要再浪費食物。

更有人笑指「咁都仲未同你分手，執到啦」，也有人指雖然賣相一般，零分重做，但勝在誠意搭夠，已經很好。

資料來源：連登討論區