大肚婆斥交收剩食遭棄置垃圾桶 事件峰迴路轉 網民反轟：你想人幫手清垃圾

大肚婆黯然發文：感覺真係好差⋯

昨日在Facebook群組「食物放提 Free Food Flow」，有1名大肚婆發文指於26日與谷友在家附近交收剩食，回家發現有廚餘忘記拿到樓下廚餘機，因此再次落樓倒棄，但是經過樓下垃圾桶時，竟發現自己剛剛交收的剩食在裡面，指「感覺真係好差⋯」。事件引起群組內的網民，翻找該名大肚婆於26日在群組贈送食物的帖文，找出是誰將送贈剩食棄置在垃圾桶，更怒轟該名網民浪費食物，「其實應該開名？有d人為左選中會全取，但其實有野唔要咪拎哂再丟」、「取左物品果位，唔該唔好浪費食物！你岩先好排！」、「呢D一定落地獄！」。

事主現身回應大肚婆：已經過期幾年

經過一晚的發酵，被指責浪費食物的網民終現身，發文標注該名大肚婆回應，原來之前大肚婆贈送的食物，雖然在帖文提醒已過最佳食用日期，但是事主指據其認知，都應是離過期日不遠，但大肚婆贈送的食物有已經過期幾年，例如2020年及2021年，認為真的不適合食用，更說「free食物其實都係希望分享食物給其他人，但係過期太耐真係不得接受，食用安全是為先！」，事主亦在文中感謝大肚婆分享食物，不過亦希望她明白「請知道我也花時間來的」，並道出送贈食物給人也是對人的一種尊重。

網民對大肚婆送贈過期數年的剩食感到十分憤怒，認為不是在帖文講明「食用風險自負」就不用理，又認為大肚婆是在找人幫她清垃圾，「過咗期咁耐唔係諗住有人飲咗佢嘛，飲壞人你負責咩」、「你唔買啲過期奶粉畀你個仔食嘅？呀孕婦」、「過左咁耐自己都唔食啦佢，free 俾人要幾冇品先做得岀？」，有網民提醒大肚婆下次贈送食物可以標明過期日子，「送出嘅人應該寫清楚到期嘅日子，接收嘅人有個預算係咪適合自己」、「其實當初應該係post講埋過期日子啦，免得浪費大家時間」。

網民：點解可以放幾年都唔食唔扔

有網民十分好奇該位大肚婆為甚麼過期數年，仍不棄置這些剩食，從大肚婆最新的贈送剩食帖文，她作出解釋，指自己之前一段長時間不在香港，因此家中很多東西都已過期。而在她最新發布的數貼帖文，可見已作出修改，會指出部分剩食過期時間很長，亦會講明某些剩食的到期日子。