阿媽爆響口北上買兔肉煮 仲話：X肉都煮過俾你食！
廣告
豬牛雞羊肉等等大家都是日常吃慣的肉類，近日，有個港女在討論區分享了自己居然在不知情的情況下吃過一些較為特別的肉類，事主媽媽更指：「已經煮過很多次，你都食過好多次」，令事主大感嘔心！
媽媽：「麥樂雞都會溝唔知咩肉落去啦！」
事主在網上討論區Dcard以標題為「食咗阿媽煮嘅兔肉同馬肉」發文，表示就在剛才媽媽突然向爸爸說「返深圳記得買兔肉」，事主當時即刻表明自己不會食，但媽媽卻驚爆原來已經煮過很多次，她亦食過很多次。事主得知後感到非常震驚和嘔心，也擔心會有病毒，即時質問媽媽為甚麼不說平時煮的是兔肉，誰料媽媽大聲反駁：「使咩咁大反應，餐廳都會喺牛肉豬肉入面加兔肉，啲人係邊隻肉平就用邊隻，麥樂雞都會溝唔知咩肉落去啦！」，更質疑事主「點解大陸肉就會有病毒，其實香港都會有」。在兩人討論間，更大膽透露原來一早已煮過馬肉給她吃，事主得知後不但覺得嘔心，更十分懊悔「覺得自己好蠢，因為完全唔expect會有奇怪生物肉」，指出之前見到湯裡面的奇怪骨時，沒有多想就吃了。
網民反應兩極 ：點解食豬牛羊就得，狗兔就唔得？
網民對此事的看法則十分兩極，有網民認為「點解食豬牛羊就得，狗兔就唔得？」，又指兔馬肉其實很平常，「日本都食馬肉仲要刺身啦，正宗嘅西班牙燉飯一定會加入兔肉，見識少就係到大驚小怪」。不過就有較客觀的網民言明，「兔肉馬肉都食過，其實都正常，問題係佢唔事先同你講」，事主亦回應這些留言指自己本身不喜歡吃，而兔馬肉則未有如其他肉類般常見售賣，所以覺得「核突」也很正常。
網民紛紛回憶相同經歷！
除了對事主的經歷發表意見外，不少網民亦有提起自身相同經歷，「阿嫲之前喺大陸親戚屋企夾狗肉落我個碗，我見到咁黑，同埋咁臭就知唔對路，我即刻話佢畀啲唔知咩肉我食，佢就答話係豬肉」、「細個以為老豆係大陸買隻大烏龜返黎比我養，同佢玩咗一日又比菜佢食，第日就斬咗佢話煲湯飲」、「細個老竇老母喺大陸拎過狗肉返香港，不知情下食過幾啖」。
關鍵詞
飲食熱話
圖片來源：pexels@Magda Ehlers、《撒嬌女人最好命》電影截圖、《愛回家之開心速遞》截圖
