餅店買椰撻驚見性感小野貓白滑露背大解放

Mar 18 2024

最近香港溫度回升至二十多度，街上可見不少行人都改穿短袖迎接春夏，有網民在網上分享到元朗某連鎖餅店買椰撻時，竟發現店內有性感小野貓現身，不過就驚呼「我呢啲師奶接受唔到」，引起網民熱議，更認為性感小野貓的真身原來是⋯

元朗連鎖餅店驚現露背小野貓

日前有網民在Facebook群組「香港茶餐廳及美食關注組」分享自己到聖安娜餅屋買椰撻醫肚，驚呼「嘩隊….隔離有個性感小野貓出現」，又指「我呢啲師奶接受唔到，我知今日好熱。」，從相片可見小野貓身穿黑色性感露背裝，戴尖長指甲，身型相當有肉地！

網民：男人嚟架下話？

性感小野貓引得眾多網民紛紛讚好留言，有不少網民對圖中小野貓的性別提出質疑，「男人嚟架下話？」、「虎背熊腰咁大隻，好似男人打扮喎」、「明顯係男人，冇波大肚腩仲有二三頭肌，仲著對男人鞋」、「擺明麻甩佬同人side bet輸左」，部分網民則譴責發文網民，認為她私自拍下當事人再放上網的行為十分沒品德，「你接受唔到，咪接受唔到咯，無人要你接受丫，但點解要影人相po出街呢？」、「你可以唔鍾意你可以睇唔慣，但係真係睇唔到有咩理由你可以隨便咁樣影人哋擺上網囉」、「人家着衫點解要得到你接受呢？起碼佢唔會侵犯人家私隱偷拍别人嘅相片然後公開展示批評咁缺德」。另外，亦有網民讚歎小野貓的皮膚好，「要讚既係香港咁潮濕，但係佢背脊無痘痘」、「個背脊好靚，靚過身為女人嘅我」。