港男去元朗咖啡店 飲一杯Dirty50分鐘被趕 力數3宗罪：冇樣嘢掂！

網民轟元朗咖啡店3宗罪！

1. 唔識整Dirty

事主在咖啡店叫了一杯Dirty，落單時已說明是堂食，不過斟給他仍是膠杯，「Dirty嘅做法已經錯晒，但係都冇所謂」。

2. 坐50分鐘趕人走

事主認為最大的問題是餐廳侍應在他坐了50分鐘後，叫他離開「先生唔好意思，今日堂食比較多」，事主對這個做法十分不滿，反問侍應「係唔係我叫夠一定嘅錢，你就唔會趕我走，我知道你哋係做生意，但我唔覺得你連一個鐘時間都唔俾我坐，仲要趕走我。」

3. 手工意粉唔好食

事主今次雖然只叫了一杯Dirty，不過他在留言補充，曾經試過該店的手工意粉，認為只是用手工作包裝吸引客人，「所謂嘅手工，其實係包裝貨色，因為佢唔係用全蛋加麵粉做出出嚟，一食其實就知道，大家可以對比下市面上比較common嘅PICI，一試便知龍與鳳」。

撐小店網民：其實都坐咗禁耐，仲想點？

帖文中有兩派網民進行舌戰，有一派網民認為事主應該包容咖啡店，更認為其實已經坐了很久，「其實我都明白你既情況，但佢咁小位，然後你係食飯時間坐左接近一個鐘，佢都算客客氣氣。我覺得如果佢唔係rush hour，應該可以坐好耐，香港人包容下啦」、「巿道咁差，難得星期六佢有生意，比d生存空間佢啦」、「如果見到外面好多人排隊，自己都唔好意思坐咁耐。本身dirty 係快啡，5分鐘內飲完」、「飲杯dirty都飲成50分鐘，係我誤解左dirty既飲法定咩，完全侮辱緊個咖啡師，你唔試下叫杯americano加糖加奶？」、「坐starbucks算啦，一杯野飲就坐差唔多成粒鐘，小店點頂」

撐事主網民：喺香港幫趁Cafe貼錢買難受

另一派撐事主的網民就認為Cafe理應是可以買一杯啡，然後可以悠閑地久坐，「其實嘆啡是悠閒事，我坐cafe真系冇預50分鐘比人叫走」、「做cafe收得貴預咗俾你任坐，如果計時，不如係7仔買杯16蚊算啦」、「而家喺香港消費者真係慘，明明飲咖啡應該係嘆住飲，仲要比人話體諒商家位少」、「老實講1個鐘都冇其實唔過份 又唔係叫杯水坐幾個鐘，香港好多cafe都有限時但都係比翻你坐一個鐘」、「其實cafe本身就係預你chill 一個半晝，所以先justify到百幾二百蚊一個意粉，如果要限時仲要得50分鐘就唔該變番茶記價錢」、「去Cafe坐一個鐘基本嘢啦 唔想人坐開茶餐廳啦」。