沙田大媽怒罵餐廳收銀：企得樓面就要受氣店員回應獲網民力撐

Apr 24 2023

沙田大媽一句：「企得樓面就要受氣！」引發城中熱話。話說一對男女於沙田愉翠商場一間茶記用膳，落單後因不滿等候時間過久，憤而CUT單離去。離開時大媽疑因無嘢食情緒失控，瘋狂指罵收銀處職員發洩不滿，言語間不斷強調「客人大晒」，氣燄愈發囂張。相關影片於各大討論區瘋傳，該女子受到一面倒的批評。

不滿食物遲遲未到、大媽怒罵餐廳樓面

日前有網友在Facebook專頁「香港茶餐廳及美食關注組」發佈一段18秒的影片，指沙田愉翠苑意八餐廳有「西客」出沒！從片段所見，當時一名職員於收銀處處理收錢的工作，一對男女於18秒內不停大聲喝罵職員，有如急口令。職員無奈回應：「你係咁鬧我無用㗎，唔係我炒㗎！」，大媽聽到後便轉為指責職員「服務態度咁差！」、「你對客㗎嘛！對客係咪咁樣呀？！」期間更大力拍向櫃枱，十分燥底。職員則表示「你係客，但都唔可以鬧我㗎嘛」。

企得樓面就要受氣樓面一對男女在收銀處大罵職員 — 一對男女在收銀處大罵職員（圖片來源：香港茶餐廳及美食關注組）

企得樓面就要受氣樓面職員無奈表示「你係客，但都唔可以鬧我㗎嘛」。 — 職員無奈表示「你係客，但都唔可以鬧我㗎嘛」。（圖片來源：香港茶餐廳及美食關注組）

大媽爆出「金句」：「你企得樓面就要受氣！」

原本大媽已準備離開，聽到職員這個回應後突然回頭，更回頭爆出「金句」：「咩叫唔可以鬧你？你企得樓面就要受氣！」說罷悻悻然離去。發文者指2名食客「落咗單半粒鐘冇嘢到要cut單冇問題，但係又搵收銀姐姐發洩怒火無理取鬧」，更指大媽的一句「你做得呢度就預咗要受氣」真的是金句，直言「憑你呢句足以掟你哋上嚟插兩野」，網友疑因目擊事件並不值「西客」的所作所為，誓要將片段發佈以公審二人。

企得樓面就要受氣樓面原本大媽已準備離開，聽到職員這個回應後突然回頭 — 原本大媽已準備離開，聽到職員這個回應後突然回頭（圖片來源：香港茶餐廳及美食關注組）

樓面大媽爆出「金句」：「咩叫唔可以鬧你？你企得樓面就要受氣！」 — 大媽爆出「金句」：「咩叫唔可以鬧你？你企得樓面就要受氣！」（圖片來源：香港茶餐廳及美食關注組）

網民戥樓面慘：「呢個女人真係好西下」

影片引來網民對該對男女的一面倒攻擊，紛紛指女子是「西客」：「比幾廿蚊當自己大客！死西客！叫佢食屎啦！大X晒呀要受你氣！」、「幾十蚊淨係買個餐㗎！唔包畀你鬧！」、「香港真係好多呢種人，無論咩場合都蝦啲以為比自己低級嘅人」，甚至有網民代入職員「我X爆你呀死臭X，我做過飲食好辛苦架 ⋯⋯等唔到就死開啦！係度狗吠！」；有網民指她欺善怕惡，並叫他「有本事入廚房 X廚房佬！」而關於她的「金句」，網友普遍認為「為什麼做樓面就要受氣，大家都係人」，更力撐職員「樓面講得啱，點解做客就可以鬧人」，並指大媽一句說話得罪了所有飲食業前線員工，認為做人無論貧富都要有品，學懂尊重。