港女千字文大呻中環食串燒用餐過程極不愉快：店員黑面＋冇講明限時2小時

港女4宗罪怒轟中環串燒店！

1.店員黑口黑面

事主表示自己一走進餐廳便立刻感受到不友善的氛圍，事主自問與友人都是非常有禮貌的人，「唔該前唔該後…」，但店員們卻黑口黑面，似乎對客人不屑一顧。

2.餐廳限時2小時用餐

其次，餐廳的用餐時間限時為2小時，但事主稱自己訂位時完全沒有被告知，入座後也沒有得到相關的提醒，直到店員問事主隔離枱客人是否要加點最後的菜色時才知道這一點。事主指由於串燒需要現場製作，因此等待時間有點長，所以吃完時離交枱時間只剩下不到10分鐘。

3.只剩10分鐘食蛋糕

由於事主是次用餐目的是為了慶祝生日，他們有事先詢問餐廳是否可以在內部切蛋糕，當時對方應允並指不收取切餅費用，雖然不提供冰箱但可以提供碟子。然而，當他們要求店員幫忙切蛋糕時，對方第一反應是白眼，「剩返10分鐘你地食得切咩？」，然後不情願地拿出蛋糕。當他們希望店員為蛋糕點蠟燭時，他們又回答說「等等啦」，最終是廚師才幫手點蠟燭，並提供了冰塊。

4.趕人走

最後，當時鐘準確指向8點，我們被要求離開餐桌，甚至連上洗手間的時間都來不及。事主去廁所期間，朋友已經被趕到門口等候了。事主理解餐廳需要處理多個訂位，但就認為餐廳應該給予客人更多的緩衝時間。畢竟2小時對於享受串燒和聊天的時間來說並不多。不過事主就有讚賞食物味道不錯，但就指出儘管食物再美味，如果服務態度不好，整個用餐體驗都會大受影響。

網民意見兩極！

網民見意兩極，有人同意事主的觀點，「生日蛋糕都要急急腳咁食，好掃興，應該要事先講明用餐時間兩小時既」、「真係唔太明食串燒限時兩個鐘係咩玩法… 即叫即燒喎，同埋通常都會叫完一批又加單，又會飲酒…我明餐廳要番枱，但限時真係令人好卻步，又加上唔係啲咩平價快餐，真係唔好怪人少咗出街食飯」。有曾經光顧的網民就指餐廳服務不錯，「佢岩岩開個時食過2次，個時態度幾好架wo, 仲主動推薦同解釋個menu, 佢一直係我串燒list 上頭幾位，點解攪成禁啊，服務態度同野食味道一樣都禁重要呀～」、「 我食過幾次，店員又ok喎」。