軍裝警員長洲肉搏電雞男！慘被高速Fing撻倒地不起 網民驚呼：走得去邊？

警員長洲街頭肉搏電雞男 慘遭S型走位Fing倒

事發在長洲街頭，根據網上流傳長約29秒的影片所見，一名男子正駕駛電動單車，一名軍裝警員見狀立即上前執法。豈料該名騎手完全無視警員，非但沒有停下，更突然加速企圖逃走。警員反應迅速，馬上從後死死拉住車輛後座，雙方展開一場街頭角力。騎手為求脫身，竟以「S字型」蛇形走位高速行駛，警員在拉扯期間失去平衡，整個人被重重摔在地上，疑似受傷倒地不起。此時，路旁兩名熱心男途人目睹驚險一幕，二話不說立即挺身而出，幫忙追截逃走的騎手，而附近街坊則紛紛上前關心並扶起受傷警員，場面相當混亂。

亡命電雞橫行霸道 網民直指平日左穿右插極危險

事件引發網民對電動單車問題的關注，不少人指出這類「電雞」平日在社區已構成極大危險。有網民留言直斥：「一定要拉佢坐監，好多時見電動單車喺行人路上，揸得好快，不理會行人，希望警察嚴厲執法」。事實上，電動單車在香港法例下不被允許在道路、單車徑或行人路上行駛，但仍有不少人違法使用，在行人路上左穿右插，對途人尤其是長者和小孩構成嚴重威脅。今次事件中騎手拒捕的猖狂行為，更令大眾憂慮相關問題已瀕臨失控邊緣，促請當局加強執法。

網民睇片勁肉緊 怒轟騎手：可能有毒品！

影片曝光後隨即在網上洗版，網民反應極為熱烈，大部分人均對騎手的行為表示憤怒，並推測其亡命逃走的原因：「可能有毒品！咁X夠膽走……」、「長洲？走得去邊？」、「原本罰400，而家大把罪告」。同時，大批網民力撐受傷警員及熱心市民，紛紛大讚「路人好心」、「支持捉電雞，希望呢位警兄保重，你做得好好」。不過，亦有部分網民提出不同看法，認為追截過程本身亦相當危險，擔心可能波及無辜：「當警察捉電雞時，佢哋逃命就橫衝直撞，仲危險」、「炒車撞死咗人仲大鑊」，認為執法方式值得商榷。