西九放蛇斷正！2司機應召接單慘中伏 乘客原來係阿Sir隨時一身蟻

警員喬裝乘客Call車斷正2司機中伏

西九龍總區交通部執行及管制組特遣隊人員於今日（24日）採取行動，打擊俗稱「白牌車」的非法載客取酬活動。行動中，警員喬裝成普通乘客，透過網上平台租用兩輛私家車，分別前往旺角及油麻地。兩名分別48歲及57歲的本地男司機不虞有詐，如常接單載客。點知當車輛抵達目的地後，警員隨即表露身份，以涉嫌「非法駕駛汽車作出租或載客取酬用途」及「沒有第三者保險而使用車輛」將兩人拘捕，殺個措手不及！

網民熱議白牌車風險隨時冇保險

事件曝光後，隨即引起網民熱烈討論，唔少人都關注「白牌車」嘅安全問題。警方亦特別呼籲，市民出行時應選擇合法的公共交通工具，因為非法載客取酬的車輛，其第三者風險保險極有可能會失效。換言之，萬一不幸發生交通意外，無論係乘客、司機定係其他無辜的道路使用者，都可能血本無歸，完全得唔到應有嘅保障！

司機面臨監禁兼罰款最高罰2萬5

據了解，被捕的兩名男司機已獲准保釋候查，須於5月下旬向警方報到，而涉案的兩部私家車亦已被扣查作進一步檢驗。警方重申，根據《道路交通條例》，非法載客取酬一經定罪，後果相當嚴重。首次定罪最高可被判罰款$10,000及監禁6個月；如果再犯，罰則更會加重至罰款$25,000及監禁12個月，各位司機真係唔好為咗搵快錢以身試法！