兩女港鐵站擅用職員插座充電被拍低　網民鬧爆：最高判監5年

兩女港鐵站內擅用職員插座被網民拍低公審

事發於港鐵站內，有網民喺facebook群組「柴灣小西灣關注組 2.0」發文發相，見到兩名女子喺港鐵站內柱身旁放低背包，擅用柱身下嘅職員專用插座為手機充電。發文網民更諷刺咁話：「新聞叫市民搭飛機上機前要叉足電，搭地鐵都要叉足先上車㗎。」相片清楚顯示，兩女無視「職員專用」嘅標示，直接將充電線插入插座使用。

網民群起公審狠批兩女貪小便宜行為羞家

事件曝光後，大批網民替港鐵不值，紛紛留言狠批兩女嘅行為。有網民直斥「連嗰少少電費都要用人哋，真羞家」、「這樣做直頭同偷電冇什麼分別，算是盜竊罪」。亦有網民質疑佢哋識唔識字，「係咪唔識字？職員專用喎」、「無錢買尿袋？」。有網民更指出，港鐵站內其實有供乘客免費充電嘅位置，「港鐵站內有啲寫明畀公眾使用嘅叉電位，仲有枱添，一定唔係地下呢啲插蘇位囉」。

擅用他人電力最高可判監5年網民促執法部門跟進

根據香港法例第210章《盜竊罪條例》第15條「竊取電力」，任何人無適當權限而不誠實地使用電力，或不誠實地導致電力浪費或將電力轉輸別處，即屬犯罪。一經循公訴程序定罪後，最高可處監禁5年。有網民認為兩女嘅行為已經觸犯法例，促請執法部門跟進。港鐵現時於29個車站設有免費充電設施供乘客使用，市民如有充電需要，應使用指定嘅公眾充電位置，切勿擅用職員專用設備。