九龍灣十字路口生死3秒！貨車高速掟彎「兩轆行車」險釀巨禍 片主神旁述竟成焦點！

九龍灣上演生死時速貨車掟彎離地足足3秒

事發在九龍灣一個十字路口，從片主分享的車Cam片可見，一架物流公司貨車正準備向左轉。電光火石之間，貨車懷疑因入彎速度過快，車身竟大幅向左傾側，右邊兩個車轆更隨即「飄起」，完全離地長達3秒之久！整架貨車僅靠左邊兩個車轆支撐，畫面極度驚險，隨時有翻車可能。幸好司機最終成功穩住車身，有驚無險避過一場災難，但整個過程已被後車司機完整拍下並放上網。

網民鬧爆職業司機罔顧安全直指係公司傳統

事件曝光後，大批網民替路面情況捏一把汗，並群起公審該貨車司機的駕駛態度！有網民直指該物流公司的司機「一向揸車好進取」，更有人抵死形容他們是「揸開東望洋」、「XX精神，劈彎過人」，狠批職業司機不應如此罔顧路面安全。亦有資深網民憶述舊時情景：「30年前冇冷氣啲巴士，掟灣好多時都係得3個轆掂地，我哋細個睇嗰陣都好刺激」，感嘆現今已甚少見到如此場面。

結局神反轉片主剪輯功力旁述獲網民激讚

正當全城將矛頭直指貨車司機之際，事件焦點竟意外轉移到片主身上！不少網民大讚片主非常貼心，將片段剪輯成最精華的5秒，讓大家毋須「飛前飛後」，更笑言「唔使被人鬧浪費數據系列」。而片主在貨車離地一刻，以極度肉緊的洪渾聲線旁述一句：「喂，反（翻車）！」，更成為全片靈魂所在. 有網民笑稱其旁述「充滿力量」，緊張程度「足以拗番正架車」，意外的結局令一場馬路危機增添了不少歡樂氣氛。