港男列7大優點封土瓜灣為全港最強 老街坊一句話令質疑者收聲

港男列7大優點稱去邊都1小時內到

樓主在Threads發文，開宗明義表示自己從小住在土瓜灣，「真心覺得X打十八區」，隨即逐一列出區內優勢。他指土瓜灣地理位置處於香港正中心，無論入西貢玩水、去機場搭飛機還是到赤柱拍拖，幾乎所有目的地都能在1小時內抵達。他更提到該區具備慢活特質，過海可以揀搭船再轉叮叮遊港島，在油尖旺食飽飯後甚至可以步行半小時回家。樓主父親同樣住在土瓜灣，隔日由土瓜灣跑步到尖沙咀再折返，剛好10公里，足見該區與核心商業地段距離之近。

網民質疑交通不便老街坊即刻霸氣反擊

帖文曝光後，大批網民替事主和應之餘，亦有人質疑土瓜灣出入不夠方便。不過資深街坊隨即群起護航，有住了40年的居民大讚區內充滿人情味，「好多都真係幾十年都冇變過，海心公園、車房、紅蘋果圖書館⋯⋯」。更有老街坊霸氣留言反擊：「交通唔方便係區外人先覺得！」有人指自己由細到大無港鐵都生活自如，巴士四通八達，紅磡黃埔行過去又多嘢食又多嘢行，根本毋須依賴鐵路。另一位住了30幾年的街坊則坦言，以前曾渴望搬去港島住，搬走後反而覺得土瓜灣先係寶地，物價相對低、小店多、九龍中心點出旺區極近，每次返去都覺得「個腦可以休息」。

港鐵通車後街坊直言住過返唔到轉頭

最令人意外的是，多數曾搬離又回流的街坊一致認為，土瓜灣在港鐵開通後簡直如虎添翼。有網民笑指「真心覺得土瓜灣有地鐵後係超方便，特別住上路」，更有人點出兩大隱藏優勢：距離海邊極近，好容易就見到海景；加上鍾意睇演唱會的話，紅館搭兩個站就到，啟德更加可以直接行過去。一眾街坊紛紛留言「住過返唔到轉頭」，形容土瓜灣根本是隱世寶地，「一句講晒想像唔到搬走嘅話會有幾唔習慣」。