港男過深圳地鐵出閘即聞到「怪味」！網民瘋狂共鳴：有陣大陸味

港男過深圳地鐵出閘即聞到「怪味」
網民瘋狂共鳴兼猜測：到底係咩味？

港男在Facebook群組「香港人在深圳交流群」內發出帖文，問大家「有冇人發現，大陸真係有陣『大陸味』，出關就會聞到」，但就不懂得如何影響那一股味道，只是在香港未曾聞過類似的味道，也形容那一股味道「唔可以叫臭但一定唔叫香」。

而令他最深刻的，則是某次自己在深圳地鐵「元芬站」出閘，一離開地鐵站走落行人路，便聞到「好正宗的大陸味道」。但附近又未見有食肆，因此肯定不是食肆食物的味道，附近也未見有人吸煙，也無法找出氣味的源頭。對謎之氣味感到好奇的港男便發帖，問大家「到底有冇人有一樣嘅嗅覺？」

帖子後來引起了大量網民留言，紛紛表示對該氣味十分有共鳴，但卻無人可以準確的形容出該種特殊的氣味，表示「我明，我都講唔出及點形容，搭的士開窗通風果下自然會聞到」、「深圳河傳出黎，一出羅湖就有」、「係！由其喺地鐵！果陣正中大陸味真係獨一無二」、「完全冇貶低嘅意思，我都覺得一返大陸有種不一樣嘅味道，唔可以話佢臭，感覺上好似燒緊木既味。其實好細個已經覺得係咁」。

網民更在留言區開始猜測起味道的來源，稱「我覺得主要係佢哋啲車排放的汽油味」、「個人覺得臭係因為大陸好多冷氣都開唔高、 好焗、唔似香港商場擺好多空氣淨化機」、「唔夠冷氣的黴菌味」、「其實係大陸既煙味，同螺獅粉既味撈埋就係大陸味」、「舊區常見，例如羅湖區，因為舊時啲渠接駁無甘完善，所以偶然會瀰漫著渠臭味，香港的荃灣區也是，現在逐漸舊區重建，會逐漸少」、「潮濕既地下室或停車場都有呢陣味」、「好似佐敦裕華底層咁，喺地面嗰層搭扶手梯落去已經有陣味」。不過對於氣味臭不臭香不香這一件事本來就是「見仁見智」，正如早前日本女YouTuber來港感到香港有一股「屎味」一樣，有網民覺得那一股內地怪味不太好聞，也有網民覺得還好，主觀感覺也不必過度批判。那大家又有覺得上深圳時有聞到那一股獨特的味道嗎？歡迎分享一下！

原帖連結：按此