女生PayMe收陌生人42元稱過錯數｜聯絡客服處理 轉錯數女子現身回應態度惹議
PayMe收到陌生人42元轉帳 對方稱過錯數要求退還
事主在threads上載截圖顯示，其PayMe帳號在年初九收到一名陌生女生轉帳42元，對方用英文祝賀生日快樂。由於事主不認識對方且並非壽星女，明顯是轉錯錢。隨後對方再轉帳0.01元，用英文道歉並聲稱轉錯數，要求事主交還該42元。事主表示雖然不會貪這42元，但擔心是詐騙手法，最終決定聯絡客戶服務中心解決。
女生聯絡客服處理 網民大讚做法正確
事主在文中寫道「唔會貪呢$42，但有啲擔心係詐騙」，雖然金額不大但為求安全起見，選擇透過官方渠道處理。她更留言給對方「如果唔係詐騙，希望你唔好再過錯數畀人，要無啦啦退返畀你，真係好麻煩，如果係詐騙嘅，祝你呢世都冇錢食飯」。大量網民認同其做法，紛紛留言「搵銀行處理最穩陣」、「一定係搵銀行」，認為透過官方渠道最能保障雙方權益。
轉錯數女子現身回應 態度引網民熱議
由於事主沒有遮掩對方PayMe帳號照片中的姓名，轉錯數的女子本尊現身留言回應。她先道歉「真係唔好意思啊，打攪咗你」，解釋自己本來要向朋友支付珍珠奶茶費用並祝賀生日，但不慎轉錯數。然而她隨後的話卻「話中有話」，表示「冇覺得你呃我錢嘅，亦都好有禮貌同你say sorry，但係亦都唔覺得你要公開我，其實講真，我都冇預會pay back嘅」。這番話引來網民熱烈討論，有人批評「事實上你就係製造麻煩畀人，轉錯數的責任係應該你自己負擔」。
網民提醒聯絡銀行保障雙方 避免洗黑錢風險
網民對轉錯數女子的態度反應兩極，有人認為「睇你打嘅嘢冇粗口，但係講嘅嘢態度真係麻麻哋」、「唔係騙徒都好，其實都麻煩到人囉，真心唔好咁串」。更多網民提醒「就算真係本人聯絡，你都直接聯絡銀行最穩陣，事關無啦啦過錯數，如果對方係一啲可疑戶口，可能會影響將來你使用PayMe」、「過錯錢聯絡完對方，雙方都搵銀行先保障到大家，就算唔係詐騙，就咁過返數隨時被洗黑錢都唔知咩事」。有網民理解女子可能不滿被公開姓名及被誤會是騙徒，但仍認為透過銀行處理是最安全的做法。
