新抱住老爺1,600呎豪宅因一件事被趕走｜搬走當日老公慘被炒 怒斥無人情味
洗衣機爭執引爆家庭大戰
該名新抱在社交平台Threads發文詳述整件事的經過。她表示結婚初期搬進老公與老爺的家中，三人連同外傭住在1,600呎大宅，「空間夠大，有工人做家務，大家都和諧相處」。然而好景不常，老爺後來不滿意外傭表現而將其解僱，更「堅持唔畀請返1個新工人，佢話覺得無呢個需要」。由於她與老公都有全職工作而老爺已退休，家務只能各自分擔，「咁唯有各自洗衫、買兩餸飯、間中煮下pasta、用吸塵抹地機械人」。就這樣過了三個多月，某天「老爺一早起身就為咗用洗衣機開我波，之後仲趕我走！」
新抱怒斥老爺毫無人情味
面對突如其來的驅逐，新抱感到非常憤怒和委屈。她直斥老爺「我好憎佢，係因為佢一啲包容同人情味都無！」更令她氣憤的是，當老公失業時，老爺不但沒有給予支持，反而奚落自己的兒子說「你哋搬去住劏房」。新抱痛批老爺的教育方式，質疑「奚落自己仔女係咩教育方法？」她表示幸好還有娘家可以回去，並向老公明言不會再搬回去與老爺同住，就算沒錢買樓都要租樓。
搬走當日老公慘被解僱
屋漏偏逢連夜雨，新抱形容「好似拍戲咁，衰嘢就一齊嚟，我搬走嗰日老公就俾人炒魷魚」。這個突如其來的打擊令夫妻二人的處境雪上加霜，被迫分居差不多半年。直到老公找到新工作並過了試用期後，他們才租了個300多呎的小蝸居開始二人生活，而老爺則一人獨居1,600呎大宅。面對現在的居住環境，新抱坦言「而家300幾呎1間房，兩個人都係勉強夠住，真係完全唔會諗生仔」，更直言「面對呢啲食古不化嘅X街、原生家庭唔和諧、我覺得唔生小朋友係最明智嘅決定」。
網民意見兩極化激辯
這個家庭糾紛在網上引起熱烈討論，網民意見相當兩極化。有網民同情新抱的遭遇，認為「無論夫家間屋幾大，都唔建議一齊住！100%會多磨擦！平平地租間細單位，兩公婆有嘢做唔怕捱落去！」亦有網民建議「搬走咪好囉，少啲見，少啲磨擦」。然而也有網民批評新抱的態度，指出「如果間屋係佢真係佢大晒喎，無計寄人籬下係咁」、「你黐老爺屋企，即係寄人籬下，要委屈求存都好正常」。更有網民語重心長地提醒「結婚前一定要確保唔使同老爺奶奶住，否則寧願唔結」，認為「冇男人唔會死，但喺人哋屋企受氣就會激死自己」。
