手作地氈
手作地氈

觀塘tufting手作地氈工作坊 記者試玩!無限時任整+DIY圖案

香港好去處

廣告

手作地氈|近來香港掀起Tufting熱潮,今次記者帶大家嚟到觀塘挑戰零經驗製作毛毛地氈,呢度最特別係可以全日無限時任整,同朋友或者伴侶一齊DIY就啱晒,即睇詳情!

觀塘tufting手作地氈工作坊 記者試玩!無限時任整+DIY圖案

Tufting熱潮最近席捲香港,坊間出現形形式式嘅工作坊,觀塘新開嘅QQ Tufting由一對情侶Sharon及Adam打理,主打毛毛地氈工作坊,亦可以整成鏡、坐毯及杯墊等物件,基本上任何圖案都可以挑戰,最緊要有心思整就得!呢度最大賣點係一個價錢無限時任玩,最平$600就可以整足12小時,平均除返開每小時都只係$50,相當抵玩,完美主義者就唔驚俾人催住走,可以慢慢整到靚靚仔仔先走!

手作地氈 毛毛地氈 觀塘新開嘅QQ Tufting主打毛毛地氈工作坊。
觀塘新開嘅QQ Tufting主打毛毛地氈工作坊。(圖片來源:新假期編輯部)
手作地氈 tufting 毛毛地氈 亦可以整成鏡、坐毯及杯墊等物件。
亦可以整成鏡、坐毯及杯墊等物件。(圖片來源:新假期編輯部)

尺寸分別有3款,包括50 x 50、80 x 80及90 x 90cm,整個過程大約4-10小時不等,時間會隨住圖案大小以及複雜嘅程度遞增,店主Sharon表示唔少客人喺度整足12個鐘頭都唔捨得走!

手作地氈 tufting 毛毛地氈 圖中的木框為80 x 80大,是最熱門的尺寸。
圖中的木框為80 x 80大,是最熱門的尺寸。(圖片來源:新假期編輯部)
手作地氈 tufting 毛毛地氈 準備好材料便可以Ready GO!
準備好材料便可以Ready GO!(圖片來源:新假期編輯部)

專人指導新手輕鬆上路 必學6大步驟逐個睇

第1步.起稿勾線

第一步先選擇心水圖案,上至寵物人像,下至生活物件,任何事物都可以作為地氈圖案嘅靈感。首先使用投影機將圖案投射於布料上,然後就可以用麥克筆勾勒線條起稿,即使唔太識得繪畫都無問題,可以隨時搵專人協助。

手作地氈 tufting 毛毛地氈 首先使用投影機將圖案投射於布料上,然後就可以用麥克筆勾勒線條起稿。
首先使用投影機將圖案投射於布料上,然後就可以用麥克筆勾勒線條起稿。(圖片來源:新假期編輯部)
手作地氈 tufting 毛毛地氈 記者建議起稿時可以寫埋相應顏色嘅記號。
記者建議起稿時可以寫埋相應顏色嘅記號。(圖片來源:新假期編輯部)

第2步.揀毛冷

第二步可以選擇相應顏色嘅毛冷或者自由發揮,毛冷顏色多達60款,質地以粗身為主。

手作地氈 tufting 毛毛地氈 毛冷顏色多達60款,質地以粗身為主。
毛冷顏色多達60款,質地以粗身為主。(圖片來源:新假期編輯部)

第3步.練習使用地氈槍

準備好工具就會進入練習用地氈槍嘅環節,導師會教授幾個基本技巧,包括直線、曲線及填色。不過大家緊記最重要一點,永遠用地氈槍嘅時候都只可以由下而上打!同埋打曲線嘅時候可以逐少逐少打上去,先會令個彎位更完美,所以千祈唔好心急!

手作地氈 tufting 毛毛地氈 導師會教授幾個基本技巧,包括直線、曲線及填色。
導師會教授幾個基本技巧,包括直線、曲線及填色。(圖片來源:新假期編輯部)
手作地氈 tufting 毛毛地氈 緊記最重要一點,永遠用地氈槍嘅時候都只可以由下而上打
緊記最重要一點,永遠用地氈槍嘅時候都只可以由下而上打(圖片來源:新假期編輯部)
手作地氈 tufting 毛毛地氈 填色方法好簡單,只需要不停由下而上打直線就可以!
填色方法好簡單,只需要不停由下而上打直線就可以!(圖片來源:新假期編輯部)

第4步.開始製作

練習完便可以正式開始了!記者建議可以先落手打圖案嘅線條,之後再用直打嘅方法將空位慢慢填色。記者初頭拎支槍上手覺得無想像中咁重,只之不過長時間拎住都會幾攰下,加上用地氈槍時都要借身體嘅力壓穿布料,幾個鐘頭無間斷咁整都會好辛苦,所以都可以俾自己間唔中抖下!

手作地氈 tufting 毛毛地氈 呢一邊係地氈嘅背面,唔係最終成品嘅樣嚟㗎!
呢一邊係地氈嘅背面,唔係最終成品嘅樣嚟㗎!(圖片來源:新假期編輯部)
手作地氈 tufting 毛毛地氈 呢邊先係正面~
呢邊先係正面~(圖片來源:新假期編輯部)
手作地氈 tufting 毛毛地氈 大成功!歷時4小時~
大成功!歷時4小時~(圖片來源:新假期編輯部)

第5步. 黏合地氈

歷時4小時記者終於完成整個圖案,走入最後直路!傳統黏合地氈都會使用白膠漿,但要等足幾個鐘甚至全日風乾,往往都無得即時帶走作品。所以呢度另一個特別之處,就係使用蒸氣熱溶膠布去做黏合,風乾嘅時間連5分鐘都唔使,超級方便!

手作地氈 tufting 毛毛地氈 呢度另一個特別之處,就係使用蒸氣熱溶膠布去做黏合。
呢度另一個特別之處,就係使用蒸氣熱溶膠布去做黏合。(圖片來源:新假期編輯部)
手作地氈 tufting 毛毛地氈 風乾嘅時間連5分鐘都唔使,超級方便!
風乾嘅時間連5分鐘都唔使,超級方便!(圖片來源:新假期編輯部)

第6步.剃毛修剪

最後一個步驟就係裁剪地氈形狀,再將多餘嘅毛剃走,想力求完美仲可以用鉸剪修葺圖案細節位。如果想送俾人或者掛喺屋企做裝飾,都可以搵店主幫手做額外精修,價錢由$200起,視乎複雜程度,可以令圖案更為立體及精細!

手作地氈 tufting 毛毛地氈 最後一個步驟就係裁剪地氈形狀。
最後一個步驟就係裁剪地氈形狀。(圖片來源:新假期編輯部)
手作地氈 tufting 毛毛地氈 再用電刨將多餘嘅毛剃走。
再用電刨將多餘嘅毛剃走。(圖片來源:新假期編輯部)
手作地氈 tufting 毛毛地氈 如果想送俾人或者掛喺屋企做裝飾,都可以搵店主幫手做額外精修,成品會更為立體細緻!
如果想送俾人或者掛喺屋企做裝飾,都可以搵店主幫手做額外精修,成品會更為立體細緻!(圖片來源:新假期編輯部)
手作地氈 tufting 毛毛地氈 拎埋個袋就可以即時帶佢返屋企啦!
拎埋個袋就可以即時帶佢返屋企啦!(圖片來源:新假期編輯部)

QQ Tufting

  • 地址:觀塘駱駝漆大廈一座(詳細地址可向店家查詢)
  • 時間:12nn-12mn
  • 價錢:$600(50 x 50cm)、$800(80 x 80cm)、$1000(90 x 90cm)
  • 額外收費:二人一框加$150、超過凌晨12時加$100/小時、精修服務$200起
  • 電話:6972 3118
  • Instagram專頁:@qqtuftinghk

常見問題

整毛毛地氈收費如何?

價錢由$600至…即睇詳情

工作坊時間多長?

這間工作室主打無限時任整,可以由中午12時…即睇詳情

撰文:Icy圖片來源:新假期編輯部

最新吃喝玩樂資訊