【荃灣好去處】拍拖一日遊:文青打卡Cafe+港版彩虹眷村+荃灣美食|孖住去邊玩|周末遊懶人包

【荃灣好去處 孖住去邊玩】繼上次去完大埔一日遊後,今次就踩入荃灣,由荃灣站出發,食盡荃灣美食同搵打卡好去處,一齊跟住記者周圍遊,來個荃灣閨密打卡+情侶拍拖一日遊路線,享受Cafe一日文青的悠閒時光、在南豐紗廠盡情打卡、食爆荃灣美食、去有30隻貓嘅貓Cafe畀貓玩,玩盡荃灣區!

撰文:GW |拍攝:Tony

荃灣好去處!閨密打卡/情侶拍拖路線推介!

1.光板田村 必影香港版彩虹眷村

光板田村是位於大帽山腳的舊寮屋村落,在荃灣市中心附近搭車上去,大約只需10分鐘,不算太偏僻。這條村平日人跡罕至,只得居民上落同出入,最特別的就是村內的壁畫,在數年前由村民、小朋友義工一同創作,只要踏入村落就隨處可見,最受歡迎的打卡位就是彩虹樓梯同彩虹屋仔。雖然壁畫的顏色被風雨消磨而褪色,但人情味始終不減。

*遊覽及拍照時記得保持安靜,以免影響居民生活!另外因為村民有種植植物,所以記得要做好防蚊措施呀!

光板田村 必影香港版彩虹眷村
光板田村 必影香港版彩虹眷村
彩虹階梯及彩虹小屋
彩虹階梯及彩虹小屋
自1950年代起,這條小村盛產大樹菠蘿。
自1950年代起,這條小村盛產大樹菠蘿。
記得要同可愛的豬仔合照,以前村內可是有豬油廠的!
記得要同可愛的豬仔合照,以前村內可是有豬油廠的!

光板田村

地址:光板田村二段(顯示地圖
開放時間:24小時(遊覽及拍照時記得保持安靜,以免影響居民生活!)
前往方法:於港鐵荃灣站A出口乘搭51號巴士(平日約1小時一班車),到光板田村二段落車;或者在荃灣川龍街小巴站搭乘80號小巴,在光板田村二段落車,車程約10分鐘。

2.南豐紗廠 文青必到打卡位!日光Cafe 慢活悠閒時光

南豐紗廠經活化後被打造成文創商場,自開幕以來一直受到文青們的追捧,佈局時尚又能與歷史文化共融,地方又大又好行,也有多款特色文創商品。這裡也有多間日光打卡Cafe,今次揀「木衛二鑄茶所」,食吓Cake飲吓嘢,享受平靜的悠閒時光!

木衛二鑄茶所
木衛二鑄茶所
日光位嘆蛋糕!
日光位嘆蛋糕!
特別版木棉花蛋糕,超好食!
特別版木棉花蛋糕,超好食!

食完小小嘢墊吓胃,就係時候出發喺紗廠入面打卡同Shopping!這裡有多個打卡位,無論是中庭的空間、有50多年歷史的後樓梯、玻璃走廊,亦有多幅大型壁畫,包你影到唔捨得走!

中庭樓梯位
中庭樓梯位
後樓梯位
後樓梯位
大門口走廊壁畫
大門口走廊壁畫
天台大型壁畫位
天台大型壁畫位
天台大型壁畫位
天台大型壁畫位

南豐紗廠

地址:荃灣柴灣角白田壩街45號(顯示地圖
開放時間:10am-10pm

木衛二鑄茶所

地址:荃灣白田壩街45號南豐紗廠1樓118號舖(顯示地圖
開放時間:1130am-10pm
聯絡電話:2805 8108

前往方法:於光板田村二段沿荃錦公路下坡,在路口處走樓梯轉入美環街,轉入西樓角路後右轉青山公路荃灣段直行,朝白田壩街前進,步行共約25分鐘即可到達。

3.你妳台式手作 爆餡手工芋泥吐司/甜蜜蜜三色芋圓水晶

遊完南豐紗廠,下一站來到這間由一對情侶開設的台式小店「你妳」,食個甜品下午茶!這裡主打手作芋泥、台式甜品、基本的台灣菜式這裡也可以找到。這裡的餐點都非常IG-able,顏色鮮艷勁有少女心,味道方面亦有水準,必試爆餡手工芋泥吐司、三色芋圓水晶及芋泥珍珠小芋圓特飲,芋圓煙韌有咬口,配上其他甜蜜蜜嘅配料,作為閏密下午茶超適合呀!

你妳台式小店,作為閏密下午茶超適合!
你妳台式小店,作為閏密下午茶超適合!
芋見紫薯 - 爆餡手工芋泥吐司
芋見紫薯 $45 – 爆餡手工芋泥吐司
仙草3號 - 甜蜜蜜三色芋圓水晶
仙草3號 $46 – 甜蜜蜜三色芋圓水晶

你妳You You

地址:荃灣運通街6號號舖運通洋樓地下(顯示地圖
開放時間:12nn-10pm
聯絡電話:3594 6658/6607 2360(WhatsApp)
前往方法:沿青山公路荃灣段向荃灣地鐵站方向直行,約10分鐘即可到達運通洋樓地下。

4.貓之茶房 喵星人出沒!30隻超療癒貓貓包圍你!

食飽後出發最後一過,向「貓之茶房」出發!這間樓上Cafe飼養了30隻可愛的貓星人,貓貓會在你身邊打轉,尤其當發現你手上有拿著貓零食的時候(零食可向櫃台購買),貓星人更是會成群結隊地向你走來,眼定定地望實你,超級療癒呀!在這裡可以放鬆的坐著飲杯嘢食吓輕食(記得保護茶點勿被貓貓偷食),貓貓周不時會主動出現在你身旁「寵幸」你,唔係講笑,真係超可愛,絕對會玩到唔願走!

【荃灣一日遊好去處】閨密打卡/情侶拍拖路線推介:食爆荃灣打卡美食+香港版彩虹眷村+必到30隻貓/文青Cafe 打卡位逐個捉!|孖住去邊玩|周末遊懶人包
記得要溫柔對待貓貓,要細聲啲講嘢唔好嚇親佢哋,同埋唔可以抱起佢哋呀!
【荃灣一日遊好去處】閨密打卡/情侶拍拖路線推介:食爆荃灣打卡美食+香港版彩虹眷村+必到30隻貓/文青Cafe 打卡位逐個捉!|孖住去邊玩|周末遊懶人包
貓咪眼定定地望實你,超級療癒呀!
【荃灣一日遊好去處】閨密打卡/情侶拍拖路線推介:食爆荃灣打卡美食+香港版彩虹眷村+必到30隻貓/文青Cafe 打卡位逐個捉!|孖住去邊玩|周末遊懶人包
貓貓周不時會主動出現在你身旁「寵幸」你,唔係講笑,真係超可愛!

入場前必須消毒雙手同脫鞋子,才可以同貓貓玩,記得要溫柔對待貓貓,要細聲啲講嘢唔好嚇親佢哋,同埋唔可以抱起佢哋呀!而貓之茶房亦致力幫助流浪貓貓,每月都會定期捐款給流浪貓機構,上嚟玩貓同時又可以幫助浪貓,意義十足。

喵喵:喂,記得除鞋先好入嚟,同埋消毒雙手呀!
喵喵:喂,記得除鞋先好入嚟,同埋消毒雙手呀!
愚蠢的人類,以為咁樣我就會理你?
愚蠢的人類,以為咁樣我就會理你?

貓之茶房

地址:荃灣大河道45號樹勳樓1樓(顯示地圖
開放時間:130pm-1030pm(星期一至五);1130am-1030pm(星期六日及假期)
Facebook專頁:貓之茶房 Cats Tea Room
收費:首小時每人$68(包一杯飲品),其後每小時半價$38;
閒日可享 $165 無限時任坐優惠(不適用於每年7月及8月);
學生優惠-持學生證者於閒日首小時入場費$58 (不適用於每年7月及8月)
聯絡電話:2149 6261
Whatsapp:6633 0790 / 6368 4470
前往方法:向大河道方向前進,過馬路轉向即可到達貓之茶房,需時約5分鐘。

最新吃喝玩樂資訊