元朗好去處6大郊遊必去!玻璃天幕露營車/任摘日本士多啤梨/港版嵐山竹林/親親草泥馬
元朗好去處6大郊遊必去!玻璃天幕露營車/任摘日本士多啤梨/港版嵐山竹林/親親草泥馬

元朗好去處6大郊遊必去!玻璃天幕露營車/任摘日本士多啤梨/港版嵐山竹林/親親草泥馬

香港好去處

如果你對元朗嘅印象都只係停留於「有好多牛牛」嘅話,咁就真係大錯特錯!元朗唔單止有農莊可以餵餵草泥馬,採摘新鮮水果,仲有無敵玻璃天幕露營車及彩虹小屋觀星營地,3日2夜都未必夠玩,今次記者一於同大家發掘呢個被低估嘅世外桃園!

元朗美食合集

撰文:新假期編輯部|圖片來源:新假期編輯部、官方圖片、Facebook、Instagram

元朗好去處!無敵玻璃天幕露營車/任摘日本士多啤梨/港版嵐山竹林/親親草泥馬

1)彩虹小屋觀星營地 住宿燒烤全包主題房|農樂營

農樂營露營地點位於元朗,最新推出12款全新主題露營小屋,屋內配套齊全,包括獨立洗手間、冷氣設備、電熱水煲、冷熱水沐浴裝置等。另外更提供露天營地、野餐及BBQ用戶外桌椅,費用仲包埋自選燒烤食材套餐,亦無需額外租借燒烤爐,非常方便!人均最平$460左右,就可以玩足20小時,分分鐘仲好過住酒店!營內有不同遊樂設施,包括紙牌棋盤遊戲、迷你充氣彈床、動感平衡車、卡拉OK設備、電動麻雀枱、士多啤梨園、室內2,000尺兒童遊樂室及戶外玩樂區,一家大細去渡假都可以各有節目!

更多:元朗農樂營露營好去處|12大主題露營小屋觀星營地

(圖片來源:FB@農樂營)
營地翻新後變成七彩小屋,啱晒打卡,遠睇差啲以為去咗外地~(圖片來源:[email protected]農樂營)
(圖片來源:FB@農樂營)
營地樓上可建戶外帳篷觀星,情侶住一定浪漫非常。(圖片來源:[email protected]農樂營)
(圖片來源:FB@農樂營)
特大私人露營花園600呎,可設置2個露營帳。(圖片來源:[email protected]農樂營)
  • 農樂營
  • 地點︰元朗牛潭尾路攸潭尾村
  • 交通:
    1. 乘搭小巴: 於元朗大馬路,「開心廣場」後福康街小巴總站乘搭37專線小巴,於總站「攸潭尾村公所」站下車(車程約15分鐘),步行約3分鐘到達營地
    2. 自駕前往: 往元朗葡萄園方向,駛至葡萄園分叉路,轉入攸潭尾村公所
    3. 乘搭的士: 於元朗西鐵站或錦上路站前往營地,車費約港幣60-70元
  • 開放時間︰星期一至日 上午9點至晚上10點
  • 電話:6606 1660 (WhatsApp )
  • 網址:https://www.wemomenthk.com/

2)全港首個有機菠蘿園農莊 近距離親親草泥馬|有機薈低碳農莊

元朗錦田嘅有機薈低碳農莊(Go Green Organic Farm)係全港首個以菠蘿為主題嘅菠蘿園,佔地13萬呎,有齊大草地、遊樂場、蔬菜田等區域,亦可自製新鮮菠蘿小食,而最特別係早2年前引入嘅4隻草泥馬(羊駝),不但可以親手餵飼亦可以輕摸合照,趁假日不如出走元朗農莊郊遊,順便探下佢哋啦!

更多:元朗有機菠蘿園農莊一日遊!附收費及開放詳情

元朗有機菠蘿園農莊
元朗有機菠蘿園農莊,入口位有草泥馬crossover菠蘿嘅公仔,好可愛勁啱打卡呀!(圖片來源:新假期編輯部)
左右兩旁都是有機菜園
左右兩旁都係有機菜園。((圖片來源:新假期編輯部)
可以零距離親手餵飼,感覺奇妙,
園內有2隻草泥馬,你可以零距離親手餵飼。(圖片來源:新假期編輯部)
「親親動物園」的可愛小兔子
「親親動物園」嘅可愛兔仔,同樣都可以親手餵飼。(圖片來源:新假期編輯部)
  • 有機薈低碳農莊 Go Green Organic Farm
  • 地址:元朗錦田四排石(顯示地圖
  • 前往方法:西鐵錦上路站 A 出口,步行約5分鐘。
  • 電話:5579 2178/3489 2778
  • 營業時間:星期一至日10am-6pm(新年期間照常營業)
  • 收費:農莊遊套餐$150/成人、$100/小童(3歲至12歲);
  • 單項活動或特別活動優惠收費,請參考官網(按這裡

3)豪華露營車Staycation弧形玻璃天幕欣賞無敵美景|Park Nature

近年掀起露營熱潮,想親親大自然又怕辛苦?租露營車就啱晒你!位於元朗嘅露營車場佔地4萬呎,有萬無邊際嘅草地靚景,夜晚仲可以觀星,都真係幾chill下!車內空間約3百多呎,設2房1廳,麻雀雖小但五臟俱全,有冷氣、雪櫃、微波爐、浴室、梳化等,就連麻雀枱、Wi-Fi都有,設備分分鐘仲多過自己屋企!露營車最大賣點係主人房三面設有弧形玻璃天幕,瞓喺床上就可以輕鬆欣賞到窗外迷人景色,加上有冷氣有沖涼絕對唔洗怕辛苦,兩手揈揈就去得,非常方便。營地仲有足球、羽毛球、彈床及小型水池可借用,一家大細去都唔怕無聊!

更多:元朗超靚豪華露營車Staycation 附預訂連結!睇日落+夜晚觀星+無敵草地燒烤 設寵物專屬露營車

可以帶埋毛孩一齊玩。(圖片來源:FB@Vernice VK)
現共有6款露營車,由3人車至6人車都有,當中有4款更歡迎寵物入住。(圖片來源:[email protected] VK)
元朗超靚露營車!透明玻璃天幕+夜晚睇星+寵物專屬露營車|香港好去處
主人房三面設有弧形玻璃天幕,採光極佳,早上睇藍天白雲,晚上睇星,好浪漫。(圖片來源:Park Nature官方圖片)
元朗超靚露營車!透明玻璃天幕+夜晚睇星+寵物專屬露營車|香港好去處
車仔設備相當齊全,有冷氣、雪櫃、微波爐、浴室、梳化等,就連麻雀枱、Wi-Fi都有。(圖片來源:Park Nature官方圖片)
元朗超靚露營車!透明玻璃天幕+夜晚睇星+寵物專屬露營車|香港好去處
前新聞主播方健儀都與老公於露營車慶祝結婚十周年紀念日。(圖片來源:[email protected]方健儀)
  • Park Nature
  • 地址:元朗錦田逢吉鄉(顯示地圖
  • 電話:9694 2233
  • 收費:3人車 $1,599起;4人車 $1,999起;4-6人車 $2,399起
  • 網址:按此

4)10萬呎果園免入埸費 任摘日本香印提子士多啤梨|朗屏士多啤梨葡萄園

冬天就快到,大熱天時唔想出街嘅朋友終於可以出動去郊外玩啦!位於元朗大棠村嘅「朗屏士多啤梨葡萄園」面積達5萬呎,夏天種植巨峰香印提子,而冬天則種植土多啤梨,到場採摘無須入場費,只需付摘到嘅磅數價錢便可,摘幾多就計幾多,豐儉由人,咁就唔洗驚食士多啤梨食到捧住個肚走啦!場內的士多啤梨品種均來自日本,分別有章姬、紅臉頰、牛奶草莓、天仙醉、佐賀清香、茉莉香、穗之香、紅寶石等,$90/磅起,鮮甜多汁,絕對唔係平時食開個種得個酸字嘅土多啤梨。加上採摘並不限時,可以係田園影足全日靚相!

香印-免費-任摘-元朗-朗屏士多啤梨葡萄園
香印提子收粒粒脹卜卜,吸引好多人慕名而來。(圖片來源:新假期編輯部)
香印-免費-任摘-元朗-朗屏士多啤梨葡萄園
即摘即食好爽啊~(圖片來源:新假期編輯部)
喺入口位置拎完個籃就可以即刻入去田地採摘。(圖片來源:IG@mines.amovie)
喺入口位置拎完個籃就可以即刻入去田地採摘。(圖片來源:[email protected]
採摘時要小心剪,不要太用力推開旁邊其他士多啤梨,它們正在努力生長喔。
採摘時要小心剪,不要太用力推開旁邊其他士多啤梨,它們正在努力生長喔。(圖片來源:新假期編輯部)
  • 朗屏士多啤梨園
  • 地址:元朗大棠路大棠村(牌坊後面 – 球場側)
  • 交通:如果駕車可前往大棠村,駕車人士將會看到大棠村牌坊,只要直接駛入牌坊後,就會見到停車埸可供遊人免費停泊;而如果乘搭交通工具,可以於朗屏西鐵站落車後,再乘搭K66巴士至大棠站迴旋處落車。另一方法可以於千色廣場停車場對面,乘坐紅色小巴於大棠村落車,落車後向前望將會看到大棠村牌坊,行入去向右看就是士多啤梨葡萄園。
  • 電話:9251 8926
  • 營業時間:8am-6pm
  • 入場:免費(毋須預約)

5)必影港版嵐山竹林 行山新手輕鬆駕馭|河背水塘

元朗河背水塘行山徑簡單易行,新手都可以輕鬆駕馭,加上路程短,行完一圈約半小時,打完卡之後仲可以回程返去元朗覓食,一舉兩得!沿路有美景及樹蔭,環境清幽,中間更會途經一段竹林,勁有日本feel,猶如置身於日本嵐山竹林般!

更多:河背水塘郊遊路線!必影港版嵐山竹林+元朗區內3大人氣美食店

河背水塘
一進水塘,左邊水面平靜,靠近欄杆望住流水,好舒服!(圖片來源:新假期編輯部)
元朗河背水塘郊遊路線!一日遊懶人包+3大人氣美食店!|周末遊懶人包
中間的一段竹林,人稱港版嵐山,𣊬間去了日本般。(圖片來源:[email protected]
芒草一片,配合山景,有秋天嘅味道。(圖片來源:新假期編輯部)
芒草一片,配合山景,有秋天嘅味道。(圖片來源:新假期編輯部)
由家樂徑內影出去,可影到水塘景色。(圖片來源:新假期編輯部)
由家樂徑內影出去,可影到水塘景色。(圖片來源:新假期編輯部)
  • 河背水塘
  • 路線:元朗 河背村 家樂徑 河背水塘
  • 交通:由元朗泰衡街乘 71號小巴(車費$7.8)到河背村總站下車。
  • 時間:需時約1.5小時
  • 難度:★☆☆☆☆(上水塘條斜路有點斜,其餘輕鬆郊遊)

5)一望無際無敵大草景 打卡必到婚紗橋|南生圍

南生圍向來都係郊遊熱點,景色優美唔洗多講,加上一望無際的大草地,令人心曠神怡。鍾意影相嘅你,必定要去打卡聖地婚紗橋影相留倩影。

元朗超靚露營車!透明玻璃天幕+夜晚睇星+寵物專屬露營車|香港好去處
南生圍婚紗橋係必到打卡位,記得影返張靚相。(圖片來源:新假期編輯部)
(圖片來源:ig@paulhung_photography)
日落時更可以拍出絕美天空之鏡。(圖片來源:[email protected]_photography)
元朗超靚露營車!透明玻璃天幕+夜晚睇星+寵物專屬露營車|香港好去處
景色優美。(圖片來源:新假期編輯部)
  • 南生圍
  • 路線:元朗 蠔州路 渡頭碼頭 南生圍 南生圍路 博愛醫院 元朗
  • 交通:
    1. 從元朗港鐵站出發,於G2出口對面新元朗中心巴士站轉乘76K巴士或36、37、38、75、76號小巴在紅毛橋站下車,沿南生圍路前往。
    2. 港鐵元朗站乘坐的士或自駕均可直達南生圍路邊的大草地,南生圍旁有小量空位可供泊車。
    3.由元朗站騎單車經南生圍路前往,全程約4.5公里。
  • 時間:需時約2小時
  • 難度:★☆☆☆☆

常見問題:
問:以上活動需要收費嗎?
答:Glamping的營地以及有機薈低碳農莊都需要收費,價錢人均一百至數百元不等。

問:活動適合有一家大少的家庭嗎?
答:適合,分別有靜態活動及需要體能的活動,男女老少都可樂在其中。

以上活動需要收費嗎?

Glamping的營地以及有機薈低碳農莊都需要收費,價錢人均一百至數百元不等。

活動適合有一家大少的家庭嗎?

適合,分別有靜態活動及需要體能的活動,男女老少都可樂在其中。

圖片來源:新假期編輯部、官方圖片、Facebook、Instagram

最新吃喝玩樂資訊