中環一日遊｜盤點10大必去好去處！芋泥節食甜品＋粉紅貨櫃打卡＋攤位遊戲

中環一日遊！盤點10大必去景點
芋泥節食甜品＋粉紅貨櫃打卡＋攤位遊戲

1.中環芋泥節 超過30間人氣網店＋即場試50款手工甜品

芋泥節由8月1日至8月19日，逢星期一至五於中環Nan Fung Place舉辦，齊集超過30多間本地人氣IG甜品店，供應逾50多款芋泥手工製甜點，包括麵包、盒子蛋糕、曲奇、馬卡龍等，當中更有不少市集限定口味，如香芋淋醬牛奶麻糬千層卷、芋泥吐司、芋泥千層蛋糕等，賣相一流，各位芋泥控要出動了！

Nan Fung Place芋泥節——我想學芋泥

• 地址：香港中環區德輔道中173號Nan Fung PLace 2樓The Annex（顯示地圖）
• 日期：2022年8月1日至8月19日
• 開放時間：星期一至五12nn-4pm（8月13日11am-6pm）
• 費用：免費入場
• Facebook專頁：Nan Fung Place

2.中環海濱夏日派對攤位遊戲＋機動遊戲

假中環海濱將會有一連兩個月嘅復古風夏日派對，當中活動一應俱全，包括攤位遊戲、小朋友機動遊戲、運動遊戲，及影相打卡位等等，由朝玩到黑都唔會悶，至適合一家大小同情侶拍拖！

夏日派對 Summer Vibes

• 地點：中環海濱AIA Vitality 公園（顯示地圖）
• 日期：2022年7月7日至9月11日（逢星期五、六、日）
• 時間：12nn-11pm
• 網址：按此

3.巨型棋盤遊戲打卡裝置 3米高雲型鞦韆＋轉動壽司枱

遊戲裝置「大未來歷棋」即日起展出到11月30日，佔地7,000呎，12個大型繽紛打卡裝置以「繼往創未來」為主題，展示香港過去25年來在規劃及基建發展方面努力的成就，當中包括高3.5米的港珠澳大橋、高3.3米的門廊Gateway 、可轉動的壽司桌等。其中「大未來歷棋」裝置造型是個大型棋盤，除了實體裝置體驗，大家更可以掃描二維碼進入骰子遊戲，在虛擬的棋盤上按指示前行，通過「傳送門」二維碼瞬間轉移到世界各地！

大型互動展覽「繼往創未來」

• 地址：香港中環愛丁堡廣場3號（顯示地圖）
• 日期：2022年7月6日至11月30日
• 時間：星期一至四10am-6pm 、星期五、六、日及公眾假期10am-7pm（逢星期二休館）
• 費用：免費入場

4.中環街市「扭蛋天堂」超過200部扭蛋新機

中環街市由即日起至8月17日舉行「GASHAPON PLUS扭蛋夏令營」，共設超過200部最新型號扭蛋機及日本最新推出的平面扭蛋機，可以扭到多款廣受大眾歡迎的人氣動漫和卡通角色，包括「鬼滅之刃」、「東京復仇者」、「蠟筆小新」及「美少女戰士」等，扭蛋控必去！

GASHAPON PLUS扭蛋夏令營

• 地點：中環街市（顯示地圖）
• 日期：2022年7月20日至8月17日
• 時間：10am-10pm
• 注意事項：扭蛋機只接受以八達通卡付款

5.Between 過千呎cafe飽覽全大館＋超人氣水果三文治

人氣滿滿的咖啡店Between位於中環大館兩樓，面積過千呎，環境相當寬廣，分別有室內及室外座位，記者建議可以坐外面，邊飽覽大館景色景觀邊談心，拍拖便最適合。餐廳主打三文治、日式定食、意粉及甜品等餐點，人氣水果三文治幾乎每枱客人必定會點，有士多啤梨、青提子及無花果等口味揀選，不單賣相打卡一流，味道亦出人意表，麵包軟熟，配上新鮮的士多啤梨夾心及忌廉芝士，味道不會過甜，而且相當飽肚，兩人分享最滿足！

Between

• 地點︰中環荷李活道10號大館賽馬會藝方2樓（顯示地圖）
• 電話：2877 8711
• 時間︰星期一至日11am-8pm
• Instagram專頁：@_betweencoffee_

6.大館 百年古蹟打卡聖地

大館前身是中區警署建築群，經過多年活化工程後2018年正式開放。去大館除了可以了解中區警署、域多利監獄、中央裁判司署的歷史之外，雖然已經開放咗好一段時間，但環境依然值得影相， 大多熱門打卡位都俾人影晒，不妨可以嘗試利用近鏡，或者搵一啲比較冷門嘅角度影相，咁就唔會咁易就認得出喺大館，有返啲新鮮感。

大館

• 地點︰香港中環荷李活道10號（顯示地圖）
• 時間︰星期一至日8am-11pm
• 前往方法：
  1）中環站D1出口，沿皇后大道中步行往上環方向，於域多利皇后街交界左轉，經100QRC內之自動扶梯以及中環至半山自動扶手電梯直達大館
  2）香港站E出口，沿中區行人天橋步行至前中環街市，經中環至半山自動扶梯系統直達大館

7.中環碼頭粉紅貨櫃半露天Cafe

中環6號碼頭新開了一間粉紅色貨櫃Cafe，一眼望去就是舖天蓋地的粉紅色，原來是上環Friday Cafe & Wine Bar的新分店，現正處於試業期！Cafe有大量打咭位，如木製鞦韆、粉紅色單車等，最吸引眼球的是店中的粉紅色大貨櫃，上面有活潑的彩繪。半露天設計盡顯休閒風，裝潢也是極浪漫，天花板垂吊著滿滿的乾花，選用了木製餐桌，配粉紅色的座椅，餐具無論是盤子、咖啡杯都是溫柔可愛的粉紅色，令人的少女心瘋狂萌動，絕對是 360度打咭無死角的Cafe！

Friday Coffee & Bar

• 地點：香港中西區中環6號碼頭1樓（顯示地圖）
• 電話：2882 3235
• 時間：星期二至六12nn-930pm、星期日及公衆假期1030am-7pm（逢星期一休息）

8.聖母無原罪主教座堂 歐洲哥德式唯美風

呢座聖母無原罪主教堂係香港天主教過百年古蹟之一，有一種去咗歐洲嘅錯覺！由中環坐扶手電梯，一直上到過埋SOHO就會到達堅道48號，再落返地面沿堅道向金鐘方向步行約7分鐘，見到動植物公園後再轉右上斜，無耐就會見到呢座極唯美嘅歐式教堂，教堂前有一大片空地，不過影相時候要小心留意教堂前有沒有車輛經過，小心為上，咁就影都影得放心～

9.己利連拿 末世廢墟感隱世天橋

由聖母無原罪主教堂落返迴旋處再上斜，經過引水道離開小徑，沿路直上就到羅便臣道，上多幾層樓梯就會到達呢條己連拿利天橋，地點咁神秘，真喺相當隱世！中環一向人多擁擠，鬧市中居然都有呢個充滿末世廢墟感嘅打卡地點，不妨帶埋男女朋友逃離人類荒謬。

10.La Vache法國情調平價高質扒房 薯條山任食到飽

位於蘇豪區嘅La Vache，向來以平價優質牛扒薯條套餐見稱，只需 $318就有齊晒前菜、沙津、牛扒及薯條。餐龐燈光偏昏暗，周邊牆身貼滿巴黎景色插畫，背景播放住法國音樂，完全感受到法國浪漫氣息嘅氛圍。牛扒用上肉味油香較平衡、貴價的肉眼，蘸上自家製牛肉醬汁，夠香又夠濃！薯條以牛脂肪炸成，香口好食，仲有得無限refill，記者曾經有位朋友足足添咗5次薯條，男士都唔驚會食唔飽！

La Vache!

• 地點︰中環蘇豪卑利街48號地舖（顯示地圖）
• 電話：2880 0248
• 營業時間︰星期一至三、日及公眾假期前夕 12nn-3pm 、6pm-11pm；星期四至六12nn-3pm 、6pm-12mn；公眾假期 12nn-15pm、6pm-10pm
• Facebook專頁：La Vache
• Instagram專頁：@lavachehk
• 注意事項：
  1）可致電／網上訂座
  2）午餐時段歡迎任何訂座，而晚餐時段訂座只限於5位或以上之客人