街市魚檔水缸放豆卜有咩用？網民競猜係魚糧？真正原因係咁

Apr 8 2024

街市魚檔水缸放豆卜有咩用？如果大家逛過街市，不時都會看到魚檔水缸上面放了豆卜，究竟為什麼要放豆卜呢？有位網友求知心切，在Facebook「香港街市魚類海鮮研究社」發問：「想請問魚缸水面上，放豆卜有什麼作用的？」帖子隨即引來大量網民競猜原因，創意留言令人笑爆咀：「啲豆卜系炆魚用」、「浮泡嚟架，驚啲魚浸親！」、「等啲魚游入個豆卜度釀魚卜」，笑完一輪，究竟放豆卜的真正用途是什麼呢？

街市魚缸放豆卜有咩用？

網友在Facebook「香港街市魚類海鮮研究社」發帖，上載了一張街市魚缸的相片，只見除了魚兒外，更有一粒粒豆卜浮在水面上，有條魚兒正在「親吻」豆卜，樓主發出靈魂一問：「想請問魚缸水面上，放豆卜有什麼作用的？」想不到帖子引來大批網民熱議，齊齊競猜真正原因，有人曾請教街市阿姐：「我問過魚檔個阿姐，佢話係裝飾喎⋯⋯」、「個阿姐話『豆卜』係比D魚玩，估唔到，呃咗我咁多年」、「我幾驚個阿姐話啲魚鍾意食豆卜」不過網民似乎不太賣賬，覺得阿姐的原因太「Hea」。

街市樓主發出靈魂一問：「想請問魚缸水面上，放豆卜有什麼作用的？」（圖片來源：「香港街市魚類海鮮研究社」截圖） — 樓主發出靈魂一問：「想請問魚缸水面上，放豆卜有什麼作用的？」（圖片來源：「香港街市魚類海鮮研究社」截圖）

街市去開魚檔，就會發現水缸放了豆卜。（圖片來源：《我們的藍調時光》劇照） — 去開魚檔，就會發現水缸放了豆卜。（圖片來源：《我們的藍調時光》劇照）

街市有網民問過魚檔，阿姐話係裝飾喎，真係魚檔阿姐可以呃你10年8年。（圖片來源：《我們的藍調時光》劇照） — 有網民問過魚檔，阿姐話係裝飾喎，真係魚檔阿姐可以呃你10年8年。（圖片來源：《我們的藍調時光》劇照）

街市起碼阿姐無講啲魚鍾意食豆卜。（圖片來源：「香港街市魚類海鮮研究社」截圖） — 起碼阿姐無講啲魚鍾意食豆卜。（圖片來源：「香港街市魚類海鮮研究社」截圖）

街市點解你要咁睇唔開？（圖片來源：「香港街市魚類海鮮研究社」截圖） — 點解你要咁睇唔開？（圖片來源：「香港街市魚類海鮮研究社」截圖）

創意留言笑爆咀

競猜留言接踵而來，創意爆燈，令人笑爆咀，包括有人反問：「沖涼點解放鴨仔？」比較正路的猜測是魚糧：「30年來我都以為係魚糧」更有人覺得是為了預先入味：「啲豆卜系炆魚用」、「預早落/入味D！」甚至「自製」釀魚卜：「佢地等啲魚游入個豆卜度釀魚卜」有人覺得豆卜是水泡：「啲魚唔識游水…… 所以俾個水泡佢」，「浮泡嚟架，驚啲魚浸親！」更誇張到是為了魚兒「頂頭鎚」：「啲魚間唔中會頂豆卜，順手換氣，等佢地唔會潛係水底太耐浸死」。

街市魚缸點解放豆卜＝沖涼點解放鴨仔？唔通俾魚仔玩？（圖片來源：unsplash@Jason Richard） — 魚缸點解放豆卜＝沖涼點解放鴨仔？唔通俾魚仔玩？（圖片來源：unsplash@Jason Richard）

街市網民話啲魚自己撞落豆卜到，會變成釀豆卜喎......好科幻下喎！（圖片來源：yeyehotpot.com截圖） — 網民話啲魚自己撞落豆卜到，會變成釀豆卜喎……好科幻下喎！（圖片來源：yeyehotpot.com截圖）

街市豆卜係水泡？（圖片來源：unsplash@Lidia Nikole） — 豆卜係水泡？（圖片來源：unsplash@Lidia Nikole）

街市鴨仔同豆卜都幾似嘅...隻色...（圖片來源：「香港街市魚類海鮮研究社」截圖） — 鴨仔同豆卜都幾似嘅…隻色…（圖片來源：「香港街市魚類海鮮研究社」截圖）

街市太有創意啦！（圖片來源：「香港街市魚類海鮮研究社」截圖） — 太有創意啦！（圖片來源：「香港街市魚類海鮮研究社」截圖）

甚至有人猜測豆卜才是主角：「佢哋係養豆卜，魚係飼料」、「比你笑死，咁我下次去魚檔買豆卜」、「其實係賣緊豆卜，魚係觀賞用」有人簡單直接地覺得豆卜只是意外跌落魚缸：「我細個以為隔離豆腐檔跌咗未執，但又日日跌」有人覺得是重塑魚兒本身的生態環境：「魚類習慣咗海面有垃圾」癡線，連招魂都出埋：「人死佐掉西瓜，魚死後掉豆卜，阿彌陀佛善哉善哉」。

街市魚是配角，豆卜才是主角。（圖片來源：新假期編輯部） — 魚是配角，豆卜才是主角。（圖片來源：新假期編輯部）

街市日日跌都有啲難度喎！（圖片來源：「香港街市魚類海鮮研究社」截圖） — 日日跌都有啲難度喎！（圖片來源：「香港街市魚類海鮮研究社」截圖）

街市呃魚食豆卜，哈哈哈！（圖片來源：「香港街市魚類海鮮研究社」截圖） — 呃魚食豆卜，哈哈哈！（圖片來源：「香港街市魚類海鮮研究社」截圖）

真正原因係⋯⋯

好啦好啦，笑完一輪，係時候要開估啦！原來是為了吸泡泡：「養海鮮會打氣，會產生好多泡泡，擋住客人睇唔真啲海鮮。但啲泡飄到埋去豆卜度，會因為豆卜上面嘅油，破壞咗泡泡表面嘅張力平衡，咁啲泡自然會自己爆曬。 (有用化氮器嘅酒樓魚缸，就唔駛放豆卜)」更可令氮氣不能聚集：「魚多會出現氮氣，氮氣多魚會缺氧，死得。小量油可以破壞氮氣聚集。」亦有網民看見魚檔用其他方法驅泡：「之前有魚檔拿肥朱肉在水面上掃下，泡泡可以短期消失」。原來如此，真的長知識了！