凱施餅店清盤！欠租超過1,000萬 法庭頒佈清盤令全線結業＋老闆涉詐騙被捕

凱施餅店清盤！凱施餅店遭頒令清盤欠租逾1,000萬

凱施餅店30間分店自上年（2023年）被入稟追租，至少欠債2,450萬元後，最近有最新動向。清盤聆訊於1月29日再訊，最終宣布因為凱施餅店欠下領展超過$1,002萬，而且沒有遵守法庭命令於限期前支付領展物業有限公司，所以正式頒下清盤令，即代表凱施餅店全線分店清盤。

《新假期》早前報導

凱施連鎖餅店突然被貼通告封舖

凱施餅店由去年已經傳出拖欠薪金的消息，據悉去年已經拖欠約580名員工強積金供款共76萬，多間分店業主入稟追討租金，並且要求交吉舖位。其後，凱施餅店大老闆及其妻子涉嫌詐騙財務公司批出按揭貸款被捕，公司亦被債權人入稟高等法院申請清盤。

早前，有網民於Facebook群組貼圖表示凱施餅店中環店已被封舖。店外貼着「高院民事訴訟」的中英對照律師信指任何人等未經許可，不得擅進。貼文樓文更叮囑大家如持有麵包店的餅卡要盡快使用：「凱施麵包命運：已被封舖。有買佢地餅咭小心D」。

網民反應兩極 持餅卡苦主大呻: 無喇無喇！

涉事的凱施餅店近50間分店，遍佈港九新界。品牌成立於八十年代，以售賣港式麵包、蛋糕及西餅為主，屬街坊生意。消息在討論區傳出，引來網民熱議。有網民對封舖消息感到傷心不捨，「其實佢啲麵包好好食，我成日都幫襯，同埋個老闆好好人」、「食咗十幾年，最鍾意食佢嘅煙雞包..」、「佢d包好食過其他大集團」。

不過亦有網民批評餅店生意不佳亦有其原因，指食物質素及衛生欠佳才淪到拖欠人工的困境，「凱係大集團包餅店中，店內食品目測較不衛生的代表」、「我行親經過呢間野都唔知點解聞到d臭味」、「真係越做越唔得」。

有持餅卡苦主更大呻「無喇！無喇！我成百張餅咭泡咗湯」、「拿拿林落街派晒出去，益下街坊都好過蝕」。

前員工見況大爆料 拖糧無法接受

討論區「香港茶餐廳及美食關注組」有網民見況大爆料，指自己曾經在凱施餅店打工，當時的拖糧情況已經「短則三日長則二十幾日」，表示「都唔知點解可以包容公司拖糧，分分鐘拖拖下第二日全線汁Q曬都唔知邊到揾佢出糧。同埋啲糧期每個月唔準，計起上嚟又難計，出少左都唔知」。