菲林
菲林

90後年青人創業開全港最細菲林沖曬店!賣中古相機+相片速印

購物優惠

廣告

雖說菲林相機已是上幾代的玩意,但近年底片攝影熱潮愈炒愈熱,儘管數碼相機每年推陳出新,菲林價錢持續上升,新一代對菲林的熱情依然有增無減。有90後年青人更打本創業,於尖沙咀開設菲林沖曬店,闖出屬於自已的一片天 !

90後年青人創業開菲林沖曬店!面積號稱全港最細

位於尖沙咀的「慢曝人生菲林工作室」開業一年,由兩位90後嘅店主主理,店舖面積號稱全港最細,連三平方米也沒有!工作室主要做各類型菲林沖曬、相片速印、中古相機及菲林用品零售。

菲林沖曬店 慢曝人生菲林工作室店舖面積號稱全港最細,連三平方米也沒有。
慢曝人生菲林工作室店舖面積號稱全港最細,連三平方米也沒有。(圖片來源:新假期編輯部)
菲林沖曬店 中古相機及菲林用品零售
中古相機及菲林用品零售(圖片來源:新假期編輯部)
菲林沖曬店 相片速印
相片速印(圖片來源:新假期編輯部)

大學醉心攝影 曾兼職曬相舖成開店誘因

店主Billy由大學時期開始醉心攝影,主修創意媒體學系的他讀書時已經常接觸底片拍攝及黑房沖曬,更曾兼職曬相舖店員。畢業後為攝影行業的自由身工作者,怎料碰上疫症爆發,工作量大減,便萌生創業的念頭,「隔咗一段時間無嘢做,我又諗返起呢樣嘢,自己都好花心機研究,係呢個無嘢做嘅時候,不如就做一樣自己鐘意嘅嘢。」

菲林沖曬店 店主Billy由大學時期開始醉心攝影。
店主Billy由大學時期開始醉心攝影。(圖片來源:新假期編輯部)
菲林沖曬店 店主Billy
店主Billy(圖片來源:新假期編輯部)
菲林沖曬店 拍檔Tom
拍檔Tom(圖片來源:新假期編輯部)
菲林沖曬店 由招牌塑膠板、貼紙、燈牌、甚至牆上的油漆及紙板都是由他們一手一腳造出來。
由招牌塑膠板、貼紙、燈牌、甚至牆上的油漆及紙板都是由他們一手一腳造出來。(圖片來源:新假期編輯部)
菲林沖曬店 菲林沖掃的服務種類也相當齊全。
菲林沖掃的服務種類也相當齊全。(圖片來源:新假期編輯部)
菲林沖曬店 店外更設信箱,即使店舖未開門也可以把菲林先投進箱內,相當方便!
店外更設信箱,即使店舖未開門也可以把菲林先投進箱內,相當方便!(圖片來源:新假期編輯部)

300KG沖曬機 親力親為旺角搬到尖沙咀

雖說文青當道,菲林機成潮流大勢所趨,但實際開沖曬店並不是如想像般容易,本身器材已耗費不菲,單單是沖曬機也動輒數萬元起跳,「呢度最重嘅一部儀器就係部沖曬機,重量超過300公斤,我哋都打去唔同公司問過,運呢部沖曬機嘅價錢同部機本身嘅價錢相約。」為了省卻數萬元的搬運費,Billy和他兩名伙伴拍爛檔頂硬上,親力親為把機器從旺角搬到尖沙咀重慶站2樓,「創業無可能㗎嘛 我哋又無金主幫忙,最後發生咩事呢?喺新填地街,買咗三條飛機帶,直接綁住直接頂硬上。」

菲林沖曬店 沖曬機重量超過300公斤。
沖曬機重量超過300公斤。(圖片來源:新假期編輯部)
菲林沖曬店 這些相片記錄了當時Billy與另外兩位拍擋合力由旺角搬到尖沙咀的過程。
這些相片記錄了當時Billy與另外兩位拍擋合力由旺角搬到尖沙咀的過程。(圖片來源:新假期編輯部)

一腳踢有苦有甜 Billy:只要有客人,我都會盡心盡力沖好每卷菲林

不過沖曬店空間都存在一啲根本性問題,「做沖曬店最大嘅問題就係無水源,我哋就會用水桶及儲水箱,直接喺洗水間運送過嚟,另外有菲林因為無機器幫手,真係要靠手沖,就會好麻煩,無直接嘅鋅盆及水龍頭做到黑房嘅工序。好小嘅嘢本來可能搞一個鐘,但我哋要搞三、四鐘。」

菲林沖曬店
(圖片來源:[email protected]
菲林沖曬店
(圖片來源:[email protected]

雖然創業要一腳踢,但與客人的關係就可以更加密切。「有位客人由我哋開業到而家,一直都會返嚟曬相。我哋有個小驚喜俾過佢,佢生日日期係11月11號,曬相會有一款貼紙去識別唔同菲林嘅編號,我哋就將張貼紙收喺喺個燈罩裡面叫佢嚟拎,佢見到就好開心。」Billy亦指這個地方並不是賺錢的業務,但會有很多喜歡這裡的客人。只要有客人來到,他都會盡心盡力沖好每一卷菲林。

菲林沖曬店 雖然創業要一腳踢,但與客人的關係就可以更加密切。
雖然創業要一腳踢,但與客人的關係就可以更加密切。(圖片來源:新假期編輯部)
菲林沖曬店
(圖片來源:[email protected]
  • 慢曝人生菲林工作室
  • 地址:尖沙咀CKE重慶站2樓C6行178號(顯示地圖
  • Instagram專頁:@timeflyslowithfilm

常見問題

慢曝人生菲林工作室位置在哪裡?

位於尖沙咀的重…即睇詳情

慢曝人生菲林工作室的沖掃價錢如何?

慢曝人生菲林工作室有多種類型的菲林沖掃服務,價錢由…即睇詳情

撰文:Icy圖片來源:新假期編輯部、[email protected]

最新吃喝玩樂資訊