杭州亞運｜何詩蓓破亞洲紀錄　竟因1事被問「其實係咪男人」　港人嬲爆反擊

何詩蓓出戰杭州亞運屢創佳績　破亞洲紀錄竟被質疑是「男兒身」

香港女飛魚何詩蓓昨（26日）於亞運女子100米自由泳中再奪金牌，以52秒17首先完成賽事，除子成為冠軍外，同時亦打破亞洲紀錄，力壓國家隊兩名選手楊浚瑄、程玉潔。而繼目前為止，她於本屆杭州亞運已取得兩金兩銅，相當出色！全港聽到消息後均表示興奮，紛紛在網上表揚香港女飛魚，稱「真係無得頂，香港運動員真心好嘢」。

惟有人竟在討論區上發文，質疑何詩蓓是男人，稱「何詩蓓好大隻，同d隊友一對比就知佢一定會贏，其實佢係咪男人黎（嚟）」，更指「真係好大隻，點先可以練到咁，我唔係數佢，不過佢真係好大隻，如果有人話佢係咩跨性別之類都可能會信」。眼見帖主無理言論，網民隨即為何詩蓓發聲，指「有操咪有，有啲真係做gym嘅仲大隻，男女都操到大隻」、「點會唔得呀，你試日日操水9個鐘，再做Gym」、「X你老X拎運動員嚟比戇X」、「游水選手個背全部都勁到X街，方力申真人都厚身到癲」、「何詩蓓係top嘅游水運動員，體格係會比一般女性壯，成件事好合理」、「女人勁都要入男人數，有病」、「健美都有女性啦，何況游泳運動員，無肌肉點長期訓練同游咁快呀」。

港人：玻璃心可以收聲先

而網民亦指有人見識少，女生多少少肌肉就大驚少怪，認為「玻璃心唔抵得，可以收聲先」、「你估係下身有X個田徑運動員咩」。而有內媒亦提到何詩蓓今次的表現並指她有愛國心，有網民隨即建議把她「收歸國有」，言論一出又被取笑，指「人哋係香港同愛爾蘭混血兒，關你咩事」、「收歸國有？為咗加多幾塊金畀你？」、「真係酸到呢，咁無辦法啦，兩場都係游贏你，預咗唔抵得」。