冬天9招保暖急救大法：正確著衫＋貼暖包＋蓋被方法/ 揀羽絨＋保暖內衣貼士｜好生活百科
撰文：素岐、Joan、新假期編輯部｜圖片：新假期資料室｜資料來源：非讀BOOK、日本《R的法則》
9招保暖急救方法
本周氣溫急跌，市區最低溫度跌至7度！預計早上及晚間都會較清涼，大家要做足保暖措施，唔好冷病！
保暖方法1. 著極衫都覺得凍？一定係你唔識著衫
天氣再凍落去，並非愈穿得多衣服愈做到保暖效果，即學日本節目《R的法則》中所建議的穿衣保暖大法，4件衣服就保你暖笠笠。
次序：發熱內衣>鬆身衣物>手袖較緊的樽領衣物>外套大褸
首先你要著上一件貼身發熱衣作內衣，最好著上發熱效力強的內衣，便能散發更多熱力；然後切忌穿上貼身衣物！因為實際上這樣並不會讓你暖上加暖，其實只要穿上一件鬆身衣服，就已經可以做到保暖效果，因為鬆身衣物可以留有空間，便能讓熱力流通。
第三層就要穿上手袖較緊的樽領衣服，同樣原理都是讓空氣在衣服與衣服之間流通，最後外出時穿上一件大褸就大功告成啦！
保暖方法2. 玉米式穿法
除咗以上日本節目嘅穿衣大法，仲有另一個玉米式穿法都好有用！即睇：最新保暖大法「玉米式穿法」！暖過洋葱式穿法 冬遊雪地8大保暖貼士
保暖方法3. 慎選保暖內衣
唔知邊款保暖內衣好？即睇消委會495期的《選擇》月刊：20款保暖內衣比拼 消委會報告：Uniqlo Heattech 未算最抵！一文睇晒邊款最抵著保暖｜生活百科
保暖方法4.發熱內衣正確穿搭
揀完保暖發衣內衣，都要知點著先啱，穿錯次序，隨時愈穿愈冷，即睇：UNIQLO HEATTECH穿錯愈穿愈冷 專家教你發熱衣穿搭技巧！｜好生活百科
保暖方法5. 揀最暖羽絨
市面上羽絨價錢參差，有厚有薄，到底怎樣選才是夠暖？即睇：揀最暖羽絨4大貼士！100%絨未必最保暖＋羽絨清洗方法｜好生活百科
保暖方法6. 仲覺得凍？教你暖包要貼啱位！
日本醫學博士福田千晶的著作《暖活 手腳冰冷隱藏著可怕的危機》建議以下4個位置貼暖包，首先可選擇貼在腰上，主要原因是腰部附近有血液量多的內臟器官，要讓它們感到溫暖起來，手腳不久便會慢慢開始變暖。另外也可選擇貼在頸的根部和肩胛骨上，對緩和頸肩痠痛及頭痛的效果不錯；放在肚臍下方，對減低肚痛，肚瀉和月經痛很有幫助。
詳情可以睇下：暖包正確用法大公開！貼極唔暖因你放錯位！放呢個位先係最暖？｜好生活百科
保暖方法7. 日本睡眠專家 正確蓋被方法
怕凍嘅人都會蓋兩張被瞓，覺得會暖啲，這個想法其實是對的，但如果蓋錯是不能有效保暖的！日本睡眠專家表示，一般人先蓋毯子，上面再蓋一層羽絨被的方式其實是錯的，這樣完全無法鎖住溫度。
專家話知唔知蓋羽絨被嘅作用係咩？就是像動物般用一層羽毛阻隔身體，防止熱量流失！所以應該直接將羽絨被蓋在身上，作為熱能的隔絕層。咁薄毯呢？再蓋在一上面？專家認為，只要羽絨被有一定品質，就可以有效保留體溫，不一定要蓋在身上；多嘅一層薄被其實可以墊在身體下面，減少背部熱能散失。
未買到心水薄毯？推介呢張暖笠笠嘅毛毯！即睇：UNIQLO HEATTECH毛毯 10秒即保暖！日本一出即斷貨 香港只限兩分店有售 ｜新品速遞
如果係用電暖氈的話，就記住䏲埋消委會安全貼士：電暖氈比暖爐慳電40倍！用得唔啱隨時燒著 點用先最安全？消委會使用小貼士｜好生活百科
保暖方法8. 穴位按壓
著晒衫、暖包又貼埋，手腳都是凍冰冰？立即學埋對抗手腳冰冷的穴位啦。膻中穴鄰近心臟位置，位於胸部正中，是個重要的穴位，我們可經常用手掌按壓及摩擦，不但能改善血氣循環及手腳冰冷問題，對於體質虛寒的你也會有幫助。
