租客約滿唔續租 業主擅自開門偷偷帶人睇樓：佢仲鬧返我

網民唔續租　大鬧業主擅自開門畀人睇樓

有網民以「唔續租，業主自己開門比人睇樓，有冇得搞？」為題在香港討論區發文，指自己向遠房親戚租下現時的單位，四月剛剛轉生約，於是提早通知業主不續租。豈料樓主還未搬走，業主就在完全未有通知樓主的清況下，擅自開門帶人上單位睇樓！

樓主獲樓下管理員通知始知事件，於是檢查完家中有沒有財物損失之就打電話向業主發火，但業主不但沒有道歉，更指「大家一場親戚冇得計」，令樓主嬲爆，發帖詢問網民業主是否有權隨時帶人上租客正在租住的單位睇樓。

網民：樓主唔換鎖戇Ｘ

帖文一出，網民意見竟然朝兩極方向發展，有大量網民「blame the victim」，指責樓主「咁蠢」不換瑣，是「抵死」及「戇Ｘ」：

• 「樓主咁蠢抵死， 有乜理由可以唔換鎖將自己屋企變冇掩雞籠？」
• 「其實你自己住咁耐都唔換鎖，係自己onＸ。」
• 「唔換鎖咁戇Ｘ仲要問有無得搞。」
• 「點解你唔換鎖，痴線任由其他人入。」
• 「正常一入住第一件事就係換鎖，點解你冇換鎖？點解業主有你屋企鑰匙？」
• 「個業主固然離譜，但樓主都堅係笨。」
• 「搬入去咁耐無換過鎖？即係上手租客都隨時開到你門。」
• 「我未聽過有人租樓唔換門鎖！最低限度換鎖膽！換咗對業主同租客都有保障！樓主呢個情況咪onＸ囉！業主帶生保人嚟睇樓唔出聲！如果樓主同老婆或女朋友Ｘ緊嘢咪比人睇曬？」

網民：報警話有人入屋爆竊！

雖然樓主租屋沒有換鎖是抵鬧，但上述個案業主擅闖民居又的確太過份，因此亦有大量網民力撐樓主應該報警處理：

• 「如果業主可以隨時入屋，租俾啲靚女咪好正。」
• 「如果有嘢唔見可以報警。」
• 「絕啲樓主可以報警話有人入屋爆竊。」
• 「我認為可以報警。果度你交左租，就係你地方，佢唔可以無你同意情況下入你屋。」
• 「佢已犯法，可報警，唔告佢都應備案，以免一星期後先發現唔見咗嘢，到時警察就會話你無即時報警！」

「份租約證明你係合法租用該處所，喺租約有效期內，喺法律上嗰度係屬於你嘅私人地方，任何人包括業主喺未經你同意之下進入，已經算係擅自闖入私人地方，係違法可以告得。」

今次的案例雖然道理在租客一方，但網民鬧樓主不換鎖的意見亦沒有錯，大家以後租屋記得要先換鎖！

原文：