微型電腦出Trip扮特務@Travel佳

Jul 20 2016

(Presented by ASUS)

我Travel佳除咗旅行叻，相信大家都有留意我不時會介紹下科技嘢嘅。講開又講，你哋去旅行時，有啲咩係一定跟身嘅呢？唔好答證件呀…我就慣咗帶電腦，因為有時喺旅途上都要寫下文、出下post，有「腦」喺身方便好多。我啲朋友就習慣帶notebook，不過notebook再薄，都有一定體積，所以我推介件神器俾你──ASUS嘅VIVO Stick PC。

佢擁有所有電腦基本功能，插入mon或者電視嘅HDMI位就用得，即刻騎劫自己酒店房部電視變做私人電腦，勁過占士邦呀！重點係size只係同一般USB手指差唔多，袋喺褲袋都無人知呀～不過美中不足係用唔到「尿袋」叉電，但唔緊要，佢有配備火牛嘅。

駁mon駁鍵盤滑鼠用都得

ASUS VIVO Stick PC分別有USB 3.0同USB 2.0各一，仲有埋藍牙，所以無論有線或者無線鍵盤滑鼠都可以駁，至於個USB 3.0就可以用嚟接駁USB手指或者外置硬碟，係方便易用嘅。

終極方便用法用App操作

你可能會問，旅行嘅話點會帶keyboard同mouse呀？呢個當然，而我Travel佳亦唔會咁易俾你考起嘅，懶人朋友可以利用「ASUS Wi-Fi GO！」Remote嘅App，將自己部電話當keyboard同mouse用，得咗，雖然靈敏度同體鍵盤滑鼠始終差少少，而且要連埋同一個WiFi先用到，不過今時今日連印度都處處有WiFi啦，唔使擔心。最正係電話同VIVO Stick PC嘅檔案係雙向傳送，即係話郁過嘅file直接Save 就搞掂。