【 全民運動日2017 】全港多個康體活動及康樂設施免費開放＠ MISS SUNNY

（presented by 康樂及文化事務署）

3D相片攝影區

唔做開運動，一開始要又跑又跳係難啲，可以先到18區指定場地嘅 3D 相片攝影區，感受一下運動比賽場地嘅緊張氣氛，喚醒番對體育嘅熱誠先！當中更有唔少香港傑出運動員現身 3D 場景中，單車好手李慧詩、硬地滾球選手梁育榮、游泳選手鄧韋樂同劍擊健將余翠怡都等緊你合照！

今年全民運動日主題係跳舞，藍田（南）體育館同東涌文東路體育館就有一大班人同你跳西方土風舞啦！

嘩！細細個就可以推倒巨人？聯和墟體育館同九龍公園拱廊就有幅柔道 3D 畫，等你一展身手。

想做籃球高手並唔難，不妨去柴灣體育館一展身手，同其他籃球健將一較高下！

運動唔一定要好大動作，去黃泥涌體育館同屏山天水圍體育館就可以扮下高爾夫球選手！

全民運動日2017 免費使用康樂設施一覽

熱身完畢，講番「全民運動日」嘅重頭戲當然係 8月6日有多項收費康樂設施免費開放。當中室內及戶外設施都有，諗好做咩運動，就記得 7月 30日 9點起喺康文署各區場地嘅「康體通」訂場櫃枱（不包括自助服務站）預訂啊！每人只限預訂一節免費設施，不論類別，先到先得。

室內康樂設施包括：羽毛球場、網球場、籃球場、投球場、排球場、壁球場、乒乓球枱、桌球枱、運動攀登牆、草地滾球場、高爾夫球設施、健身室、活動室、舞蹈室和單車賽道。

戶外康樂設施包括：網球場、網球練習場、草地滾球場、棒球練習場、運動攀登牆、射箭場、繩網陣和高爾夫球設施（不包括營地設施、運動場、人造草地球場和天然草地球場）。

公眾游泳池（不包括灣仔游泳池）毋須事先預約，只要於「全民運動日」當日喺泳池入口排隊進場就得啦！

水上活動中心艇隻都可以免費租用。

免費康體活動

除了康樂設施，運動新手亦可以參加全港各區舉辦嘅免費康體活動，當中有健康講座及運動示範、跑步姿態分析、舞蹈同樂、身心伸展訓練同樂、器械健體同樂、毛巾健體操同樂。大人細路都啱玩！7月17日上午8時30分就開始報名啦。大家可以在主辦活動的康文署分區康樂事務辦事處或指定場地報名，先到先得。

康文署在18區共安排超過二百多項康體活動，等你參與。不如睇下以下網頁才決定參與的活動：http://www.lcsd.gov.hk/tc/sfad/2017/programme.html。距離8月6日仲有成兩個多星期，不如睇睇片，學下跳「全民簡易舞」啦！

「全民運動日2017」
電話：2414 5555
網頁：http://www.lcsd.gov.hk/tc/sfad