參加 旅遊嘉年華 欣賞各國精彩表演

唔少香港人鍾意周圍旅行，未有時間去旅行住？咁不如去屯門市中心參加 旅遊嘉年華 頂住癮先，呢度有最新最齊全嘅旅遊資訊，仲有各國精彩特色表演欣賞，免費入場㗎！

有咩最新旅遊資訊？

話明係 旅遊嘉年華 ，點少得為大家提供最新旅遊資訊呢？今次活動一共有 25 間旅遊同業參展，當中包括 10 個駐香港國家或地區嘅旅遊局，同埋 15 間旅行社或旅遊策劃機構，為鍾意旅行嘅你哋提供最新環球旅遊資訊、超值旅遊套票同埋旅遊優惠！想快啲掌握最新旅遊資訊，一於嚟呢度啦！

有咩精彩表演？

嘉年華梗要有精彩表演啦，今次仲有多個國家嘅特色表演，一家大細去就啱晒！表演包括巴西戰舞、泰國民族舞蹈團、非洲鼓樂表演，咁多表演睇，你又點可以錯過先？

有咩明星坐鎮？

今次活動有袁偉豪、林穎彤、黃淑儀同大家分享旅遊心得添，鍾意聽歌嘅大家亦可以欣賞到特別嘉賓 Super Girls 同馮允謙嘅精彩表演，記得留意表演時間呀！

仲有咩活動？

除咗嘉賓唱歌同埋各國特色表演，大家仲可以做善事添！場內將舉辦 1 折嘅慈善拍賣活動，大家可以競投各國旅遊產品同埋名物，包括香港、澳洲、韓國及馬來西亞機票連住宿套票；泰國、台灣兩房住宿、澳門船票及住宿、法國香檳和芬蘭旅遊等等。所得拍賣收益將會全數捐俾「香港導盲犬協會HKGDA」，非常有意義！

日期及時間：

地點：屯門市廣場 1 期 1 樓中央廣場

日期及時間

入場費：免費

網址： www.tmtp.com.hk/promotion_tc.asp