尖沙咀聖誕燈飾2021正式亮燈 現場直擊!打卡必影迪士尼聖誕燈飾+巨型LED燈幕牆+漫天燈海

香港好去處

廣告

尖沙咀聖誕燈飾2021|聖誕節去尖東睇燈飾是常識吧!今年聖誕燈飾喺今晚(11月11日)已經正式亮燈喇!尖沙咀海濱長廊多棟大廈及尖東一帶都掛上精緻燈飾,聖誕新年仲未諗到做咩好,一於去尖東搵晒咁多款燈飾打卡影靚相,感受濃濃節日氣氛!

撰文:Icy|圖片來源:信和集團官方圖片、信和集團授權圖片、新假期編輯部

尖沙咀聖誕燈飾正式亮燈 照耀維港兩岸

每年聖誕必做活動當然唔少得去尖東睇燈飾啦!「閃爍尖東耀香江」已經嚟到第39年,今年尖沙咀嘅聖誕燈飾已於11月11日正式亮燈,有勁吸睛嘅4,000平方米LED幕牆,會播放 Disney+ 六大品牌嘅聖誕燈飾影片!同時亦唔少得有聖誕燈海天幕、薑餅人公仔、聖誕老人及巨型雪花等咁「打卡able」嘅燈飾,就等記者帶大家率先睇有咩必去影相位啦!

7大必到打卡位!

1. 尖沙咀中心及帝國中心|Disney 4,000平方米巨型LED燈幕牆

今年最吸睛必數尖沙咀中心及帝國中心嘅4,000平方米巨型LED燈幕牆,會播放 Disney+6大品牌嘅主題影片,包括迪士尼、Pixar、Marvel及星球大戰等。幕牆由8萬2千顆變色LED圓點組成,遠睇已經勁震撼!另一邊牆身還有小白的大型燈牌,非常可愛!

尖沙咀聖誕燈飾 尖沙咀中心及帝國中心 《尖東聖誕燈飾亮燈》
幕牆由8萬2千顆變色LED圓點組成,兩邊會播放唔同影片。(圖片來源:信和集團官方圖片)
尖沙咀聖誕燈飾 有Elsa公主~
有Elsa公主~(圖片來源:新假期編輯部)
尖沙咀聖誕燈飾 有反斗奇兵嘅朋友仔~
有反斗奇兵嘅朋友仔~(圖片來源:新假期編輯部)
尖沙咀聖誕燈飾 有Iron Man,好型呀!
有Iron Man,好型呀!(圖片來源:新假期編輯部)
尖沙咀聖誕燈飾 星球大戰。
星球大戰。(圖片來源:新假期編輯部)
尖沙咀聖誕燈飾 另一邊外牆仲有大大隻小白現身!
另一邊外牆仲有大大隻小白現身!(圖片來源:新假期編輯部)

2. 麼地里|聖誕燈海天幕 空降小白多比

除此之外,麼地里聖誕燈海天幕作為每天必到嘅打卡熱點,今次掛上 Disney+嘅角色圖像燈飾,同樣有人見人愛的小白及星球大戰角色,帶大家走入迪士尼嘅浩瀚宇宙,迪士尼迷今次有福了!

尖沙咀聖誕燈飾 比燈海天幕包圍住嘅感覺好幸福啊~
比燈海天幕包圍住嘅感覺好幸福啊~(圖片來源:新假期編輯部)
尖沙咀聖誕燈飾 呢個位必定要打卡!
呢個位必定要打卡!(圖片來源:新假期編輯部)
尖沙咀聖誕燈飾 望上天見唔到星星都唔緊要,有咁多個Disney角色陪住你嘛~
望上天見唔到星星都唔緊要,有咁多個Disney角色陪住你嘛~(圖片來源:新假期編輯部)

3. 永安廣場|聖誕老人穿上溜冰鞋盞鬼示人

永安廣場則打造繽紛可愛嘅聖誕景象,聖誕老人著上溜冰鞋以及薑餅人為大家送上禮物,夠晒可愛盞鬼!

尖沙咀聖誕燈飾 聖誕老人著上溜冰鞋真係好盞鬼!
聖誕老人著上溜冰鞋真係好盞鬼!(圖片來源:新假期編輯部)

4. 麼地道|聖誕卡雪花燈造型天橋

麼地道沿路的三條天橋,分別都佈置成聖誕卡及雪花燈嘅造型。

尖沙咀聖誕燈飾 行個天橋都充滿聖誕氣氛!
行個天橋都充滿聖誕氣氛!(圖片來源:新假期編輯部)
尖沙咀聖誕燈飾 同閨密一齊嚟打卡啦!
同閨密一齊嚟打卡啦!(圖片來源:新假期編輯部)

5. 南洋中心|手持氣球薑餅人從天而降

南洋中心外牆以享受喜悅為主題,墻上掛上「V Love HK 」字眼,加埋旁邊薑餅人手持氣球從天而降,充滿動感!

尖沙咀聖誕燈飾 南洋中心。
南洋中心。(圖片來源:新假期編輯部)

6. 帝苑酒店|38顆巨型閃爍雪花營造浪漫冬日氣氛

帝苑酒店外牆掛上三十八顆巨型雪花,附有閃爍動態效果,營造溫馨浪漫嘅冬日氣氛,閃吓閃吓勁 Bling bling!

尖沙咀聖誕燈飾 巨型雪花閃吓閃吓好Bling bling!
巨型雪花閃吓閃吓好Bling bling!(圖片來源:新假期編輯部)

7. 九龍香格里拉大酒店|巨型愛心圖案

九龍香格里拉大酒店臨海外牆燈飾以多條直線條紋構成巨型愛心圖案,情侶影相夠晒sweet!

尖沙咀聖誕燈飾 行過見到咁大個心,都即刻醒起要同男女朋友表達愛意啊!
行過見到咁大個心,都即刻醒起要同男女朋友表達愛意啊!(圖片來源:新假期編輯部)
尖沙咀聖誕燈飾 尖東聖誕燈飾2021地點及交通方法
尖東聖誕燈飾2021地點及交通方法。(圖片來源:東尖沙咀地產發展商聯會官方圖片)

聖誕及農曆新年燈飾亮燈時間表 :

燈飾 日期 時間
聖誕燈飾 2021年11月11日至
2022年1月1日
周一至周日:晚上6時至11時
農曆新年燈飾 2022年1月17日至
2022年2月16日
** 平安夜、聖誕日、除夕、農曆年三十及農曆年初一之亮燈時間將稍為延長

常見問題:

問:每天亮燈時間有多長?

答:周一至周日由晚上6時至11時,平安夜、聖誕日、除夕、農曆年三十及農曆年初一時間將稍為延長。

問:最近的港鐵站出口是?

答:尖東港鐵站P1及P2出口、尖沙咀港鐵站D1出口。

每天亮燈時間有多長?

周一至周日由晚上6時至11時,平安夜、聖誕日、除夕、農曆年三十及農曆年初一時間將稍為延長。

最近的港鐵站出口是?

尖東港鐵站P1及P2出口、尖沙咀港鐵站D1出口。

圖片來源: