星座
星座

12星座鬧交唔會認錯!從不主動氹另一半 5個情侶冷戰必贏的星座|12星座

星座運程

廣告

12星座裡總有一部分比較硬頸,雖知男士們應該都知道女仔要用嚟錫同氹,但係你又知唔知道有一啲星座係從來唔會氹另一半呢?一齊睇下有邊5個星座入圍啦!

撰文:Pi|圖片來源:劇照 |編輯:Evita

情侶冷戰必贏!
5個從不主動哄另一半的星座

1. 金牛座

金牛座嘅人就算係同你冷戰,都唔會主動向你低頭認錯或者去氹返你,佢地就好似牛咁固執,只要決定咗就唔會再改變想法,相信如果你哋鬧交,佢可以去到分手嗰日都繼續冷落你,喺佢地字典入面只有自己係正確。

金牛座嘅人就算係同你冷戰,都唔會主動向你低頭認錯或者去氹返你。(圖片來源:電影《金都》劇照)
金牛座嘅人就算係同你冷戰,都唔會主動向你低頭認錯或者去氹返你。(圖片來源:電影《金都》劇照)

2. 摩羯座

摩羯座嘅人自以為是,總係覺得自己咩都勁過人,但其實唔係想像中咁。同時,佢哋鐘意叫人做嘢但自己從來唔會郁手,大男人嘅魔羯座會覺得要氹另一半等同認低威,老婆奴。佢哋認為男人就係一家之主,而女人就應該留喺屋企做煮飯婆,思想守舊。

大男人嘅魔羯座會覺得要氹另一半等同認低威,老婆奴。
大男人嘅魔羯座會覺得要氹另一半等同認低威,老婆奴。(圖片來源:電影《紀念日》劇照)

3. 天秤座

天秤座最重要就係面子,做咩都唔會想認輸,非常好勝。因此面對鬧交,佢哋絕對唔會讓另一半,做事要公平公正,咩都講求證據。否則就咪使指意佢哋會認錯。同時,佢哋會認為如果你要嬲就自己嬲飽佢,係唔會主動去氹返你㗎!

天秤座最重要就係面子,做咩都唔會想認輸,非常好勝。(圖片來源:電影《金都》劇照)
天秤座最重要就係面子,做咩都唔會想認輸,非常好勝。(圖片來源:電影《金都》劇照)

4. 獅子座

如果話獅子座係大男人主義第一,相信無人敢認第二。獅子座嘅人天生自私,只在乎自己想法,從來唔會在意其他人。獅子座認為主動氹另一半就等同縱容對方,不過對朋友就非常大方,外人睇到可能會認為獅子座只當另一半係你屋企工人,唔明白點解會有人同獅子座一齊。

如果話獅子座係大男人主義第一,相信無人敢認第二。
如果話獅子座係大男人主義第一,相信無人敢認第二。(圖片來源:電影《500 Days of Summer》劇照)

5. 白羊座

白羊座亦係從來唔會主動氹另一半,只要氹另一半就係承認自己做錯事,所以要佢地認錯係一件難過登天。所以白羊座唔會完全聽晒另一半話,而係希望從中得到另一半的重視,要對方先主動氹返自己。

白羊座唔會完全聽晒另一半話,而係希望從中得到另一半的重視。(圖片來源:電影《金都》劇照)
白羊座唔會完全聽晒另一半話,而係希望從中得到另一半的重視。(圖片來源:電影《金都》劇照)