傳油塘又有連鎖麵包店進駐街坊崩潰呻：2個商場最少有10間！｜玩樂熱話

Jan 2 2023

很多港人愛吃麵包，不過油塘的街坊就表示見到麵包好驚，「包全部都係包，食到唔想再食」，亦有網民建議商場可以開甜品舖、咖啡店等，希望可以有多些選擇。

油塘再有麵包店進駐！

早前有油塘街坊崩潰表示區內太多麵包店，一個商場已有幾間，簡直「見到包都覺得驚」，但最近又有眼利的網民見到又有一間知名連鎖店即將開幕，更會取替原本是半熟工房的位置！一眾街坊都覺得很痛苦：「油塘人，祇可以吃麵包」、「應該開嘅唔開，生活用品除咗日本城，其他一律冇，之前街市有間日用雜貨，裝修之後冇咗！」、「可唔可以開第二啲嘢又係麵包舖」！

油塘油塘再開麵包店！ — 油塘再開麵包店！（圖片來源：Facebook@家@油塘）

網民整合區內麵包店地圖：

第1站：油麗邨聖安娜（麥當勞方向）
第2站：地鐵站山崎麵包
第3站：地鐵站唐包點
第4站：地鐵站美心
第5站：大本型聖安娜（地鐵站方向）
第6站：地鐵站上大本型扶手梯嘅A1
第7站：大本型奇華
第8站：大本型太興
第 9站：大本型一樓85c
第10站：大本型Aeon入面麵包舖
第11站：鯉魚門廣場A1
第12站：鯉魚門廣場惠康麵包舖
第13站：鯉魚門廣場Chateraise
第14站：鯉魚門廣場美心
第15站：鯉魚門街市層蛋撻王
第16站：鯉魚門街市唐記
第17站：東海堂（即將開幕街市門口）
第18站：大本型Antoshimo Cafe and Bakery

單是油塘商場已經有8間麵包店

最近有油塘街坊表示，油塘商場開太多麵包店，大本型有Antoshimo Cafe and Bakery、85。C、聖安娜、奇華，鯉魚門廣場有蛋撻王、美心、A1 Bakery、Chateraise，另外小商場亦有勝園餅家、山崎等，最少有11間麵包店。街坊表示「之前許留山店舖位置又開麵包店啊，由地鐵站A出口算，美心，之後有聖安娜，上一層就未開呢間，地下有太興，一樓有85。C，2樓有AEON，唔駛咁多麵包店掛，仲未計鯉魚門廣場有8間麵包店」。

油塘街坊表示「之前許留山店舖位置又開麵包店啊，由地鐵站A出口算，美心，之後有聖安娜，上一層就未開呢間，地下有太興，一樓有85。C，2樓有AEON，唔駛咁多麵包店掛，仲未計鯉魚門廣場有8間麵包店」。 — 街坊表示「之前許留山店舖位置又開麵包店啊，由地鐵站A出口算，美心，之後有聖安娜，上一層就未開呢間，地下有太興，一樓有85。C，2樓有AEON，唔駛咁多麵包店掛，仲未計鯉魚門廣場有8間麵包店」。（圖片來源：Facebook@家@油塘）

網民：油塘真係冇嘢多，最多係麵包呀

有網民表示「我前日都發現咗，油塘人係咪淨係可以食麵包」、「如果有旅客問油塘有咩好食呀？答佢食包啦」，有街坊發現不只油塘商場多麵包舖，連地鐵都有Yamazuki、美心和唐記，直言「油塘真係冇嘢多，最多係麵包呀」，不少街坊紛紛留言，食花生叫大家食麵包當飯，有網民即反駁「最慘而家啲包買兩個先飽，分分鐘貴過食飯」、「仲要唔飽」、「飲食沙漠」、「即係話麵包利潤好高」、「啲包貴到死呀，又不是好食喎，得個甜字」。