伏工
伏工

伏工7個特徵盤點!唔好再喺度浪費生命!網民:招聘網長期請人、日日有散水餅食|網絡熱話

熱話

廣告

香港一直以來多伏工就街知巷聞,不過無親身經歷過,大家都好難判斷究竟有幾伏。有網民就在討論區帶頭講出「一人一個伏工的特徵」,為廣大香港打工仔盤點伏工7大特徵。

撰文:Pi|圖片來源:劇照、Instagram|編輯:CC

7 個伏工特徵

1. 全公司無人做超過兩年,日日有散水餅食

有網民表示有公司開咗十幾廿年,但全公司除了老闆外,沒有人做超過兩年,最資深的同事亦只做了年幾,所謂「核心員工」仍然可以被炒。另外,一間公司人員流轉過快,很明顯是公司內部一些長期未解決的問題存在,有可能是工作環境、同事鬥爭、工時過長,導致員工流水式辭職,自然日日都有散水餅食。

(圖片來源:電影《我的少女時代》劇照)
日日都有散水餅食,幾時又到你派先?(圖片來源:電影《我的少女時代》劇照)

2. 高層、直屬上司全部都是皇親國戚

公司入面個個都係有親戚關係,不論你OT時間再多,都無緣升上更高職位。

(圖片來源:日劇《大叔的愛》劇照)
皇親國戚就唔跟他們角力吧(圖片來源:日劇《大叔的愛》劇照)

3. 辦公室氣氛低沈

一踏入辦公室所有同事志氣低落,雖然每個人都認真工作,但全部都像機械人般毫無生氣,返工返到失去自我和目標。

(圖片來源:日劇《我要準時下班》劇照)
都像機械人般毫無生氣,長遠落去影響個人氣場!(圖片來源:日劇《我要準時下班》劇照)

4. 返工唔畀掂電話上網

雖然一間公司當然希望員工能夠全心全意咁工作,但係唔俾用電話又真係有啲過份,除了某些特定工作需要外。但如果你只係一般Office工都唔畀你掂電話,如果咁啱屋企火燭又或者有咩急事,係咪個老細賠償所有損失先?諗得出要人唔好掂電話果位仁兄,我都唔知要俾個嬲定俾個哈哈笑佢。

(圖片來源:IG@Kellycheung)
而家嘅科技發達,唔畀你用電話,仲有智能手錶…(圖片來源:IG@Kellycheung)

5. 放工無同事走

就算你準時走,第二日都會有說話聽,或者會用壓力去令你唔敢走,例如其他同事仲做緊嘢等。

盤點香港伏工8個特徵 網民:招聘網長期請人、日日有散水餅食
我準時返工,不能準時放工嗎?(圖片來源:日劇《無法成為野獸的我們》劇照)

6. 公司宣揚「一家人」宗旨

口裡講大家係「一家人」,要有「家文化」等,但其實入面辦公室政治最勁。

(圖片來源:日劇《大叔的愛》劇照)
在背後說三道四,放暗箭害你的人多的是。(圖片來源:日劇《大叔的愛》劇照)

7. 招聘網長期請人

一年365日在招聘網站上長期見到該公司請人,而且每個部門都有,證明公司人員流少量高,不過新公司就例外計。

(圖片來源:《我要去工作了》劇照)
各個部門的人來又去,日日都要有新人返工,是現職同事的惡夢啊!(圖片來源:《我要去工作了》劇照)