Wyman獨自住東京靚酒店因太寂寞而喊　稱國際孤獨等級表太難　網民：講中晒

Mar 9 2023

Wyman 近日為 Gareth.T 的新歌《國際孤獨等級》填詞，這首歌訴說了一個孤獨者的心聲，而 Wyman 亦分享了自己覺得孤獨的兩件事情，更指出自己暫時極限是可以一個人去外國旅行，但亦曾因太孤獨而流淚。而Wyman的分享更引起一眾網民及明星熱烈回應，不少人指「自己一個人做過好多事」。

Wyman人生2大時刻最孤獨：自己住東京最貴酒店真係喊出嚟

Wyman 分享自己沒有拍拖的幾年間，經常會一個人去旅行，是「毫無心理障礙的家常便飯」，但他憶述有一次 book 了當時東京最新最靚最貴的酒店套房，check-in後自己跟自己room tour覺得房間實在是太好，卻突然想起「住咁好做乜，都冇人 share？第日都唔知可以同邊個講起返…」，更表示自己「即刻哭_咗」。

Wyman Wyman 分享自己的孤獨回憶，指曾一個人住東京最貴酒店孤獨到想哭。 — Wyman 分享自己的孤獨回憶，指曾一個人住東京最貴酒店孤獨到想哭。（圖片來源：Instagram@concertyy）

一個人去環球影城　臨入場一刻逃離

Wyman 再度分享自己第二件感到孤獨的事，指自己多年前因工作關係人生第一次去 LA，放假那天訂好票去 Universal Studios 準備一個人去，「拎著張飛去到環球片場門口，臨入場嗰一吓，頂唔順，走返轉頭」。Wyman 亦指出自己暫時極限是可以一個人去外國旅行，「但無法獨自 Omakase 或者過時過節特登坐車去海皮一個人睇煙花。」

Wyman Wyman 再度分享自己第二件感到孤獨的事，指自己一個人去環球影城，卻在臨入場一刻逃離。 — Wyman 再度分享自己第二件感到孤獨的事，指自己一個人去環球影城，卻在臨入場一刻逃離。（圖片來源： Universal Studios Hollywood 官方網站圖片）

國際孤獨等級表好難捱　網民：東京迪士尼玩咖啡杯，自己轉自己

看到 Wyman 的感性分享後，不少網民都熱烈地分享自己的孤獨事跡。歌手容祖兒指自己「同Siri 傾咗陣」，有網民則試過「一個人入廠做手術，一個人出院」、「一個人拖兩個行林箱；田香港飛倫敦，落地搵火車去南部寄宿學校入學」、「一個人食訂咗兩位嘅餐……」、「試過一個人去Tokyo Disney Sea 玩咖啡杯自己轉自己」，亦有感性網民指即使身邊有很多人，自己依然感到孤獨，引起不少共嗚。