網民分享Omicron後遺症：味覺改變、 男士性欲下降、女士月經失調！有人話關節呢個症狀最痛苦｜網絡熱話

網民分享Omicron後遺症：

Omicron後遺症1. 喉嚨唔受得辣、持續喉痛、長期口乾容易咳

喉嚨痛是新冠肺炎其中一個症狀，不少網民指康復後仍然感到喉痛難耐，也有網民表示聲音變得沙啞，更會經常感到口乾，喝多少水都不夠。

明明以前好食得辣，變得喉嚨受唔到辣

喉嚨長期好口乾，飲極水都好似唔夠

喉嚨好易乾 一乾就想咳

食少少油膩野都喉嚨痛

Omicron後遺症2. 女士月經失調

不少女網民都指，感染新冠肺炎康復後，出現了月經失調的問題！早前也有打完疫苗的女網友表示有此問題，看來新冠病毒對女性的生理有一定的影響。

月經遲咗好多

嚟M嚟得2日，得幾滴

提早左幾日血量又少

我啲M仲要係黑色嘅

嚟m好亂，一係幾個月唔黎 一係一個月嚟兩次

Omicron後遺症3. 容易疲勞無精神

不少網民都表示康復後經常會感到疲倦，而且更會無端端發呆，不知道自己接下來要做什麼。也有人指即使睡了多久，都仍然覺得睡不夠，長期處於不精神的狀態。

個人好似攰左，要瞓多啲，但明明成日冇乜做過野

就算瞓好耐覺個人都好似好唔精神咁

個人仲變到好蠢，覆個message坐喺度呆幾耐唔知等乜

Omicron後遺症4. 氣喘、呼吸不順

新冠肺炎病毒有機會入侵肺部，因此有不少人都覺得自己康復後容易有氣喘的問題，連帶容易咳嗽，而且一咳就很難停下來，非常辛苦。

氣管冇咁好，行快兩步都開始喘氣

心肺功能無咁好，成日覺得喘

條氣明顯比中前喘咗，一咳開就停唔X到

Omicron後遺症5. 無胃口、失去味覺、口腔長期有苦味

大病初癒食欲不佳是很多人都有的問題，新冠肺炎康復者也不例外，不少網民指病後連以前最喜歡的零食都不想吃了！

個肚長期好多胃酸胃脹同反胃，唔食又唔舒服，食完又想反胃

個口好苦，唔識餓，唔想食，淨飲水
味覺真係差咗，食嘢覺得個味道無之前咁好食
食嘢啲味好似隔咗層filter咁

食慾下降，平時可以食哂成個飯，依家食半個已經覺得唔想食

Omicron後遺症6. 男士大多性慾下降

不少網民都指康復後性慾減低，有人指可能是因為剛病好仍然覺得疲倦所以沒興致，甚至有網民好像突然看穿女性，對女性也沒有興趣了！

但中咗新冠病毒後，當然啦仲有興趣睇美女相圖，但性慾真係大大減少

性慾低，尤其係病發嗰一個星期，見到鹹濕嘢直情有小小反胃

中咗之後覺得班女好虛假，原來冇性慾之後，班女根本不值得自己主動去討好

Omicron後遺症7. 感到焦慮、容易緊張、記憶力變差

政府抗疫措施越來越緊，很多人已經沒有正常社交一段日子，確診者甚至連與家人交流也受限，經常困在家裡當然會影響情緒，也連帶記憶力也不好。

好似有啲焦慮，個人好易緊張，可能因為困喺屋企兩個禮拜

短期記憶力差咗，轉個頭唔記得自己想做咩

Omicron後遺症8. 五感變得更敏感/比之前更差

最特別的後遺症，應該是有網民認為自己的五感變得更靈敏！有人表示聽到以前聽不到的聲音，也有人覺得嗅覺變靈敏了！因此有網民笑指他們已經成為「已進化成為新類型人」！

味覺、嗅覺、聽覺都比平時強咗好多倍，突然覺得食乜嘢都好鹹，平時用開嘅護膚品香咗好多，同埋可以聽到平時只有我隻貓聽到嘅聲。

我覺得我五感強咗，特別係嗅覺好咗

聽到d高頻嘅聲音，成日都好剌耳

我早2星期中咗，食咩都好X鹹，好似加強味覺咁

其他Omicron後遺症：

網民還分享了其他的後遺症。每個人的體質不同，有人康復後一切如常，也有人出現不同的後遺症，最好的預防方法，當然就是避免中招！所以大家也記得見字飲水，多吃健康的食物，做好保護措施，就不用害怕染病及出現後遺症啦！

出紅疹，一開頭得手出，後尾全身都有，好似濕疹咁

好返之後啲關節，特別係膝頭，會突然之間好酸軟

資料來源：香港抗疫關注組、一人一個中左omicron之後嘅身體變化