Netflix翻譯被批失準！網民：字幕明明都係英文都要特登譯做中文｜網絡熱話
廣告
最近有網民在討論區開帖，詢問一眾網民「Netflix算唔算一間完全唔尊重香港嘅公司」，不少網民紛紛留言，有網民覺得Netflix投放在香港的資源好少，亦大彈香港Netflix的翻譯太垃圾，種類大多數是韓劇，「冇睇好耐，悶到死」。
連登仔批評Netflix香港翻譯很差
樓主表示最近看了《Final Fantasy》，「台仔字幕，台仔譯名，睇套乜嘢Final Fantasy居然叫太空戰士」，有網民認同樓主說法，「其實係，所以連登成日話唔睇呢套，又或者唔睇果套之類，我都少少反白眼。當然為取向而唔睇某啲戲我respect嘅，但係有時有啲戲，我心諗其實有冇諗過人哋冇在乎你」、「啲運動紀錄片台仔翻譯睇到嘔血」。
網民取笑樓主
有網民取笑樓主，「Netflix不嬲都廢，不過FF香港真係譯太空戰士」、「唔叫太空戰士應該叫咩，最終幻想？」，有網民覺得Netflix大部分娛樂作品，包括遊戲和影視，「如果唔係因為有台灣用繁體字，你估有無公司願意理呢700萬人口」，更坦言台灣翻譯好過香港，兩者有得揀都會揀台灣。
網民：個字幕明明係英文，都要特登譯做中文
不過有網民認為用台灣翻譯不是最大的問題，「佢啲翻譯，我見過fifty同fifteen都錯得，最好笑係睇Stranger Things 個角色叫Eleven，研究所出嚟按數字命名，佢譯做伊萊雯，One譯做小萬」、「個字幕明明都係英文，都要特登譯做中文，最頂唔順，搞到自己好似唔識字咁。例如：摟哺 Love、斯凱 Sky、歐買尬 OMG」。
網民覺得Netflix投放在香港的資源好少
不過有網民指Netflix的廣東話配音幾乎無晒，香港office都無，而且Netflix提供的種類好多都是韓劇、周星馳等，「周星馳個啲長期擺係到上架，基本香港人識背啦，冇睇好耐，悶到死」，「不過又難怪嘅，豆潤咁細個market仲要成班人share account，我係netflix都棄城啦」。
資料來源：連登
圖片來源：連登、《香港愛情故事》劇照、Netflix
