mm7
mm7

「MM7」究竟點解?Mirror Jer+《愛回家》KC有份將佢發揚光大!年度12大潮語排行+解釋|網絡熱話

熱話

廣告

你真係好「MM7」!身為香港人,懂得用潮語絕對是必要之事,唔袋定幾個潮語喺身,好難會同朋友有話題。今番筆者帶大家重溫一下在12個經常聽到和用到的潮語吧,看看你的口頭禪有沒有上榜吧!

MM7!12大潮語龍虎榜 第一名係由中國傳入嚟?

12.MM7

「MM7」其實就是「正」的意思,因為它的速成碼「一」、「一」的第7個選字。不講不知,原來Mirror成員Jer都有份將「MM7」發揚光大,有次Jer與林二汶開live直播唱歌,有不少網民留言「MM7」,令二汶一頭霧水,最後Jer出來解畫指是「正」的意思,疑網民們太心急而變成「MM7」,從此「MM7」就變成潮語,愈來愈多人使用!而他也亦於1月26日推出了新歌「MM7」,MV中也有多個破格造型,一齊嚟睇下佢有幾正啦!

如果唔打速成應該不知道「MM7」是什麼。
如果唔打速成應該不知道「MM7」是什麼。(圖片來源:《食神》劇照)
Jer有份將「MM7」發揚光大!
Jer有份將「MM7」發揚光大!(圖片來源:[email protected]
而他最近也將推出《MM7》新歌,1月26日有得聽!
而他最近也推出了《MM7》新歌,有得聽啦!(圖片來源:[email protected]

Jer 柳應廷《MM7》 Official Music Video:

而一向跟上潮流的處境劇《愛回家》,最近也有一集也緊貼「MM7」1潮流!在《愛回家》1544集,KC(歐瑞偉)陪女友孫慧雪去買衫,被售貨員誤以為兩父女而大動肝火,其後孫慧雪遇見友人林秀怡,KC完全聽唔明二人溝通時所用的潮語,因而產生誤會﹗令KC決心去學好潮語﹗劇集一開始,KC歐瑞偉陪女友孫慧雪去名店買衫,孫慧雪見到靚衫開心到不停講「MM7」,KC完全聽唔明﹗

mm7 潮語 KC不滿被誤以為是兩父女行街買衫,嬲到質問售貨員:「我個樣大佢好多咩?」孫慧雪即快手拖走男友KC﹗
KC不滿被誤以為是兩父女行街買衫,嬲到質問售貨員:「我個樣大佢好多咩?」孫慧雪即快手拖走男友KC﹗(圖片來源:《愛回家》截圖)
潮語 孫慧雪一入名店見到貨架上的衫不停講「MM7」,坐在一旁的KC唔知女友講乜外星話﹗
孫慧雪一入名店見到貨架上的衫不停講「MM7」,坐在一旁的KC唔知女友講乜外星話﹗(圖片來源:《愛回家》截圖)

11.Emo

Emo其實在早期就出現於Punk Music當中,是其中一種風格。不過近年Emo亦被內地人經常去使用,通常都會話:「呢排真係好Emo。」,其實其意思就是指自己的情緒處於比較差的位置。不過筆者認為講:「我唔開針針」會比較cute同貼地。

mm7 Emo我唔識,Elmo都叫識識地。
Emo我唔識,Elmo都叫識識地。(圖片來源:《The Not Too Late Show》截圖)

10.OJ

最易解讀的潮語「OJ」其實即是OK的意思,不過往往有時只打「OK」都令人感到乏而無問,所以就出現OJ。另一個講法是鍵盤上「J」字和「K」字為左鄰右里,所以有時唔小心都會將「OK」變成「OJ」,從而成為潮語。

mm7 OK常被打做「OJ」。
OK常被打做「OJ」。(圖片來源:《特務打爆機》劇照)

9.前夫/前妻

自從Mirror於今年越來越紅之際,「前夫」一詞就開始爆紅。事關不少男人的另一半都開始迷上Mirror當中的成員,無論是去現場追星又或者是買他們的周邊等等,都成為了拍拖日常。而男人就慘變成「前夫」,旨因現任是Mirror的成員…

mm7 Mirror的出現令不少男人都變前夫。
Mirror的出現令不少男人都變前夫。(圖片來源:[email protected]

當然啦,而Collar女團嘅彈起,不少男士都開始迷上她們,好多老婆都會變成前妻了…

mm7 Collar女團讓不少前夫都愛上!
Collar女團讓不少前夫都愛上!(圖片來源:[email protected]

8.siu4

呢樣笑死,嗰樣又笑死。「笑死」一詞成為了人們的口頭禪,一日都唔知要死幾多次。而慢慢地「笑死」就變成了同音字「siu4」,只要你打出來的話,對方都會知你又再「4」多一次,都咪話唔鬼馬啊!

mm7 Joker每一日要笑死幾多次?
Joker每一日要笑死幾多次?(圖片來源:《小丑》劇照)

7.YYDS

由中國轉入香港的潮語「YYDS」,其翻譯自拼音「永遠的神」,通常都用來讚美一件物件或者是一個人。同香港人常用的「世一」其實有異曲同工之妙。而呢排「YYDS」呢個詞都開始密密出現在香港人口中或打字中,大家都係用少啲,用返以下第3個潮語啦!

mm7 kayan BB都可以係「YYDS」。
kayan BB都可以係「YYDS」。(圖片來源:[email protected]

6.知我咩料啦

由ERROR成員193經常於節目中講的「知我咩料啦」,在其爆紅之時期亦成為了眾Fans口中的潮語。只要你好似凱婷咁壞可以食到兩枝煙,你都可以一路咬住再一路講返句:「知我咩料啦!」,完美將兩個時代結合!

mm7 193經常都會在節目中講「知我咩料啦!」
193經常都會在節目中講「知我咩料啦!」(圖片來源:[email protected]

5.LM

「LM」即「留名」咁解,其實「LM」一字的最主要用途就好似你以前見到啲MK國國民放學後去公園流連時,用枝塗改液於公園牆上寫「醉愛小傑到此一遊:*」咁嘅作用。將其字眼簡單化成「LM」再變成網上被咁解,亦都有人指出「LM」之人通常都想食花生,留意一件事態之後的發展。

mm7 以前啲人成日都用塗改液「留名」。
以前啲人成日都用塗改液「留名」。(圖片來源:《陳情令》劇照)

4.自肥

「自肥」一字其實亦是透過ViuTV的節目《ERROR自肥企画》而來,當中經典對白:「自肥可恥但很有用」令到該字冒起。其意思就是指某些行為對自己是有利益,透過該類行為去滿足自己的私慾,叫做「自肥」!

mm7 「自肥」一詞被《ERROR自肥企画》帶紅。
「自肥」一詞被《ERROR自肥企画》帶紅。(圖片來源:《ERROR自肥企画》截圖)

3.世一

「世一」即解作「世界第一」,相信大家就咁睇字眼都明白什麼意思。不少人都會將自己的偶像稱為「世一」,認為其一切都十分之好。近年Fans經常都會舉起「世一」的閃牌去歌頌自己的偶像,將其棒上「世界第一」。

mm7 「世一」係Jessica bb!
「世一」係Jessica bb!(圖片來源:[email protected]

2.係咁先啦

YouTube Channel「試當真」的成員許賢與豪哥哥衝擊樂壇,一首又一首引起共鳴的歌曲令到網民都十分上耳。而《係咁先啦》亦成為了其中最紅的歌曲之一,洗腦式歌詞「走先啦~係咁先啦!下次再玩啦」深入民心,令到就算你唔識唱都會跟住講!

mm7 許賢與豪哥哥一首《係咁先啦》深入民心。
許賢與豪哥哥一首《係咁先啦》深入民心。(圖片來源:《係咁先啦》MV截圖)

1.躺平

躺平一字其實來源於中國內地,近期中國很愛用「躺平即正義」一詞去表達2021年00後和90後於中國的生存之道。意指無謂參與社會上的鬥爭,倒不如「躺平」等著無欲無求和佛系地追隨世俗。而該文化亦開始慢慢傳入香港。

mm7 躺平主義在大陸冒起。
躺平主義在中國冒起。(圖片來源:《我的事說來話長》截圖)

問:什麼是「MM7」?
答:因為它的速成碼「一」、「一」的第7個選字,「MM7」真正意思按此
問:點解「前夫」一詞會爆紅?
答:事關不少男人的另一半都開始迷上Mirror當中的成員,個個女士都視Mirror成員為老公,而男伴就慘變成「前夫」,更多潮語解釋按此

常見問題

問:什麼是「MM7」?

答:因為它的速成碼「一」、「一」的第7個選字,「MM7」真正意思按此,而Mirror內的Jer也推出了「MM7」新歌,MV有得睇啦,一齊睇下佢有幾MM7!

問:點解「前夫」一詞會爆紅?

答:事關不少男人的另一半都開始迷上Mirror當中的成員,個個女士都視Mirror成員為老公,而男伴就慘變成「前夫」,更多潮語解釋按此

撰文:WM圖片來源:劇照、Instagram、MV截圖

最新吃喝玩樂資訊