MIRROR演唱會
MIRROR演唱會

MIRROR演唱會意外|Makerville宣布取消餘下8場兼回水 網民:唔係錢嘅問題!

熱話

廣告

MIRROR昨日( 7月28日)第四場演唱會發生嚴重事故導致多名舞者受傷送院,政府發出聲明,指於舞台證實結構安全之前演唱會必須暫停,Makerville於凌晨兩點左右於各大社交平台發出聲明,表示除左全面徹查事故原因之外,餘下所有場次嘅演出及網上直播將會取消,連同7月28日演唱會門票觀眾亦可憑票退款。但網民及fans似乎不太受落,紛紛表示錢並唔重要,公司應盡快比大家一個交代!

MIRROR演唱會意外|Makerville宣布取消餘下8場兼回水

無人希望意外發生,但今次發生事故可以釀成一大公關災難,當務之急係着重處理遺留落嚟嘅問題。Makerville緊急於清晨發出聲明,除咗對受傷舞者慰問並致歉,亦對觀眾造成不安道歉,有關退款安排公司亦都承諾會盡快公布。

MIRROR演唱會
(圖片來源:[email protected]
MIRROR演唱會 Makerville聲明。
Makerville聲明。(圖片來源:[email protected]
MIRROR演唱會 唱會被腰斬提早散場。
唱會被腰斬提早散場。(圖片來源:新假期編輯部)

MakerVille行政總裁魯庭暉昨晚亦趕到醫院了解情況,凌晨時段更出來會見傳媒並交代兩名Dancer的傷勢,表示其中一個傷者阿MO在深切治療部留醫,但意識清醒,可以溝通;另一傷者阿Fung則是輕傷,輕微擦傷及拉傷,醫生建議他要留院觀察,做檢查無礙後可出院。

MIRROR演唱會
(圖片來源:香港電台新聞截圖)

網民唔收貨狂轟:唔係錢嘅問題!

但一眾鏡粉表示唔收貨,認為道歉未見有誠意,喺演唱會舉行前已經發現有安全問題,但係四日內未見有改善之餘,亦未見有人出嚟為事件負責,亦都有人認為係公司急功近利而罔顧表演者嘅安危。

MIRROR演唱會 網民留言。
網民留言。(圖片來源:[email protected]
MIRROR演唱會 網民留言。
網民留言。(圖片來源:[email protected]
MIRROR演唱會 網民留言。
網民留言。(圖片來源:[email protected]

亦有網民表示喺呢個時候講錢未免不近人情,相信大家關心嘅都係專注喺受傷嘅舞者可以平安無事,盡快康復,所以比起討論退票事宜,佢哋更加希望當局可以通知大家傷者最新狀況。

MIRROR演唱會 網民留言。
網民留言。(圖片來源:[email protected]
MIRROR演唱會 網民留言。
錢不能解決所有問題。(圖片來源:[email protected]
MIRROR演唱會 事件必須徹查!
事件必須徹查!(圖片來源:[email protected]))

有鏡粉擔心公司會推12子出來道歉,於是表示對偶像嘅支持,希望公司處理失當並不影響MIRROR。另外亦有網民指責如非政府出通告,恐怕公司未必會主動提出退票處理,而當提及到退票少不免會想起為見偶像一面而不惜買炒賣價演唱會門票嘅fans,佢哋面對退票有啲咩處理方法?

MIRROR演唱會 鏡粉留言。
鏡粉留言。(圖片來源:[email protected]
MIRROR演唱會 鏡粉留言。
鏡粉留言。(圖片來源:[email protected]
MIRROR演唱會 網民留言。
網民留言。(圖片來源:LIHKG)
MIRROR演唱會 網絡世界總有人有幸災樂禍嘅心情。
網絡世界總有人有幸災樂禍嘅心情。(圖片來源:LIHKG)

常見問題

發生事故後主辦單位有何回應?

餘下八場演唱會將會取消及處理退票手續…詳情

網民點睇?

網民不太滿意單位處理手法,只希望傷者平安…詳情

撰文:KW圖片來源:[email protected] Lo, [email protected], LIHKG,

最新吃喝玩樂資訊