Mirror粉絲老公申訴大聯盟！「我老婆嫁咗MIRROR導致婚姻破裂關注組」一日增30K追蹤男士們齊吐苦水！ ｜網絡熱話
撰文：肥龍｜圖片：「我老婆嫁咗MIRROR導致婚姻破裂關注組」Facebook群組截圖
「我老婆嫁咗MIRROR導致婚姻破裂關注組」
關注組成立短短幾日，就已經有70K Followers，群組簡介內也睇得出一眾老公無奈的心聲，想要個Group發洩下！但隨着群組曝光，愈來愈多老婆加入食花生，好好笑！
有一日 我老婆愛上Mirror
之後 我就日日都係屋企聽到姜濤把聲
見到Anson Lo個樣
下刪一千字….
但係，我唔憎Mirror
我只係覺得各位男士需要一個group
盡訴心中情
1. 將老公來電顯示換做MIRROR成員
有老公在群組內分享相片，埋怨老婆將其來電顯示圖片轉為姜濤，留言一面倒贊成老婆此舉，認為「姜濤對婚姻和諧有重大貢獻」，並推測老婆每當收到老公電話時都會甜笑，更指「益咗樓主啦」！
（圖片來源：）
2. 老婆將老公排名排到17位
有網友開帖指「我老婆話我排名係17位。mirror 12 + error 4」，直接分享老公在鏡粉太太心目中排行已經第17位，排在mirror 12位成員和error 4位成員之後，心都痛埋！
3. 老婆拋低仔女「跟佬走」
事緣樓主一家四口曾經過SOGO門口，看到姜濤真人過馬路走向時代廣場方向，怎知老婆頭也不回追出去，拋低老公仔女呆企在SOGO門口，女兒天真的問「媽咪去咗邊呀？」，老公頓然變成寡佬，霸氣盡失，自此之後，他決定在街上公然睇「大波妹」，看看盡所有好身材的女士，以作報復老婆，平衡此心理。
4. 老公反被Mirror搶走 跟Stanley髮型!?
除了老公在群組內申訴，也有老婆分享老公是鏡粉的趣事，她的老公專注於mirror的節目，更決意跟剪大表哥（Stanley）的髮型，令老婆不禁擔心他會「中途轉基」跟她離婚，就好像《大叔的愛》的劇情一般，KK愛上田田。
即睇更多：《大叔的愛》經典場面港版神還原！黃德斌豁出去演少女心大叔網民大讚
5. 為咗令老婆開心 網友決定男扮女裝參加《全民造星4》
有網友為了挽回妻子的芳心，決定在今屆只限制女生參加的《全民造星4》易服參賽，只為令妻子重新愛上他。
即睇更多：《全民造星4》正式接受報名！全新賽制只受女生報名！花姐要參賽者互鬥XX …？！
6. 印度人老公大呼：「why Indian government don’t block Mirror! 」
Mirror人氣勢不可擋，更加可以堪稱亞洲天團，想不到連印度人老公到時在群組大呻，指出他的老婆已經迷上Mirror，更憤慨地詢問為何印度政府沒有封鎖Mirror！
7.老婆要改兒子名字和Mirror各人一模一樣
老婆已經到了迷戀程度，不顧一切只為接近mirror！12人當中的中文名字，有以下選擇：瑞輝、智德、樂文、士縉、𤒹生、應廷、卓賢、瀚霆、駿傑、爵安、濤、傲然，你又喜歡哪一個呢？
8. 姜濤四壁 入侵家居
買Mirror代言的品牌產品大曬金錢都算，竟然連裝修都要有姜濤係入面！面對姜濤四壁，老公都不禁大呼一聲，我屋企搞成咁啊！！！！！
