MIRROR隊長Lokman大派定心丸：大家唔使擔心！鏡粉超心痛｜玩樂熱話
廣告
7月28日MIRROR 紅館演唱會第四場發生嚴重事故後， 12子一直未有對事件作出任何回應，今日（8月1日） 隊長楊樂文終於於社交媒體發表回應， 除咗祝願傷者早日康復，亦都對鏡粉派定心丸表示會互相照顧，希望佢哋唔使擔心。 此post一出即收到大批網民回應， 留言字裏行間充滿愛，希望各隊員與舞者們能感受到粉絲們支持！
事隔4日終於現身 MIRROR 隊長回應演唱會事故 鏡粉心痛： 我哋一定等你！
今日隊長楊樂文於IG出post，內容表示當下希望大家集氣祝願阿Mo，阿峯及Zisac可以早日康復， 同時給予傷者同佢哋屋企人時間同空間，多謝公司上下同娛樂圈前輩嘅幫助，共渡時艱，亦承諾12子之間會互相照顧，希望大家唔需要擔心，全文雖然簡短但言簡意賅。
發文短短數十分鐘後即累積數千留言， 滿滿嘅留言裏面除咗心心與祈禱嘅顏文字， 仲充滿着鼓舞人心嘅祝福同支持， 除咗向各隊員大派定心丸，表示會等佢哋返嚟， 但亦不時表示心痛12子，希望佢哋照顧好自己身體， 同時相信Mirror與各位舞者 都可以好過來。
好多網民更擔心身為隊長嘅Lokman壓力最大， 並需要兼顧照顧其他隊員嘅重責， 紛紛留言希望佢照顧好自己， 先至可以照顧其他人。 Mirror 隊員AK、Stanley、 姜濤等亦喺自己IG share隊長回應以示支持！
另外昨日23位舞蹈員亦發出聯合澄清聲明， 除咗平息有傳舞蹈員為3位傷者發起眾籌或網上出現自稱演出者的匿名留言等不實傳言， 更表示12子此刻與舞者們一起共渡難關， 不希望任何人將責任歸咎於該演出嘅任何一位表演者， 間接表示今次意外與Mirror任何一位成員無關。
發生什麼事？
MIRROR隊長Lokman 事故四日後首日開腔…詳情
鏡粉點睇？
粉絲們除咗擔心12子，亦表達自己無限量支持…詳情
撰文：KW圖片來源：[email protected]，IG@llokmann, IG@jeremylaous, IG@edanlui, IG@jeremy0908, IG@saiter
