【iPhone】男子十年前賣腎買iPhone！如今生活成困、腎病須終身食藥

撰文：Andy｜圖片：網絡截圖｜編輯：海月、Bonita | 原文刊於：新Monday

【iPhone】男子十年前賣腎買iPhone！如今生活成困竟然知名度大增

十年前內地掀起iPhone4熱潮，不少內地真係賣一邊腎臟以換取金錢，用來買手機。內地網絡論壇中更衍生一個詞「腎phone4」。

事過境遷，內媒追蹤報導，當年賣腎買iPhone的一名安徽男子的現狀。發現佢在 10 年前賣腎之後身體情況越來越差；10 年後的今天，已生活不能自理，需要由家人照顧。更悲情嘅係，佢僅剩嘅一個腎都可能要換走。

10 年前，該名安徽男子由於出生在普通家庭買不起 iPhone，但年輕嘅佢又想威、好面子，還是高中生嘅佢居然決定到黑市醫院以2.2 萬人民幣賣走一邊腎臟，希望購入當時新上市的iPhone 4s。而佢接受媒體採訪時更因為講出：「要兩個腎幹什麼，還不如用一個換iPhone。」而惹來大陸網民的討論和關注，令佢知名度大增。

但因為惡劣的手術環境，佢開刀傷口受到感染！更產生非常嚴重嘅後遺症，腎功能嚴重受損。雖然事後成功控告黑市醫院並獲賠 ￥147 萬人民幣，但卻治療情況不理想，身體情況每況越下。多年來，他需要經常洗腎，現在就連生活亦不能自理，只能躺床由家人照顧。今時今日，佢表示身體很差，且需終身食藥控制腎病病情。佢轉述醫生診斷，如果病情控制不好，或有機會得到尿毒癥，最嚴重的情況，佢要換掉剩餘的一個腎藏。