港人行IKEA 6大反感行為！情侶專霸示範單位＋梳化坐足成日｜玩樂熱話

6個港人行IKEA超奇怪行為！

1 ｜喺梳化坐足成日

早前有網民日頭去IKEA看梳化，之後夜晚再前往看床架，發現有兩三批人擺明坐足成日無起過身。網民打算行埋去睇梳化時更被對方眼超超，令他大感憤怒，怒質他們「齋坐坐足全日都算，成日無所事事坐喺度，仲要阻人做生意，點解啲人可以咁廢」。

2｜情侶當正示範單位係自己屋企

好多情侶拍拖都會行IKEA，雖然他們去到未必會買家品，但總是見到他們出現在各個示範單位的傢俬區，「一行入去就見啲情侶坐喺張床度傾偈，大佬啊傾偈出去傾啦，搞到想行入去都唔敢」、「有時候見到佢哋又攬又鍚，好心呢啲嘢返屋企做啦」，不少人表示一見到就眼火爆，睇到眼冤！

3 ｜齋睇唔買

有網民指曾聽到有兩公婆帶女兒行IKEA，女兒一直與爸爸說想怎樣佈置睡房，「一路行佢哋後面，聽到佢哋話啲傢俬想點擺點擺，但又唔見佢哋買嘢，最後緊係乜都冇買啦」。

4 ｜淨係去餐廳/美食站食嘢

有不少網民表示港人去IKEA不是看俠俬，而是先去餐廳食嘢，「每次想去食嘢都見到啲位好full，有時都要等下先有位」，亦有不少網民表示IKEA的食物很便宜，「有時lunch time都會特登入去食，唔使$50已經食到好飽，真係糧尾恩物」。

5 ｜當正IKEA係打卡聖地

有網民指見到不少後生仔喜歡在IKEA不同區域打卡影相，當中倉庫位置更是熱門打卡位，「其實都唔知有咩好影，真係望到都覺得尷尬」、「阻住要拎貨品嘅人」！

6 ｜拎一堆嘢結賬前就丟到一旁唔買

有職員指見過有人拎完一大堆商品後，「行到去埋單個時，唔知咩事佢哋冇啦啦擺低唔買，如果我喺啲職員真係會嬲，唔買就返返轉頭擺返好佢啦」。