IKEA
IKEA

IKEA愛情故事!失戀男子因退換傢俬爆喊 劇情神展開竟尋獲下一春|玩樂熱話

熱話

廣告

感情嘅嘢話嚟就嚟,有時真係避都避唔過!有網民分享自己親身經歷,與女友拍拖五年,正準備步入同居階段,連傢俬都買好嘅時候,竟然慘被分手!佢只好前往IKEA將梳化退貨,結果被女店員好心安慰,兩人最後仲進昇為情侶!

IKEA愛情故事!失戀男子因退換傢俬爆喊 劇情神展開竟尋獲下一春

一男網友喺台灣網絡論壇「巴哈姆特」上分享自己與女友相識的故事,當時他與拍拖五年嘅前女友於去年聖誕節分手,一個人去IKEA將因同居而買嘅梳化退貨,女店員發現佢張梳化只買咗不足一個月,於是上前詢問佢是否產品出現問題。

IKEA 網友分享在IKEA與女友相識的故事。
網友分享在IKEA與女友相識的故事。(圖片來源:IKEA圖片)
IKEA愛情故事 男網友的故事緣於一張被退貨嘅梳化。
男網友的故事緣於一張被退貨嘅梳化。(圖片來源:[email protected] Péchy)

男網友解釋自己被分手後的處境,講到中途仲忍唔住爆喊,而女店員聽完佢講都眼濕濕,非常同情佢嘅遭遇。男網友完成退貨手續之後,離開IKEA準備返屋企,點知手機突然收到交友邀請,望真啲原來係剛剛的女店員!

IKEA 男網友隨即收到交友邀請,原來係剛才嘅女店員!
男網友隨即收到交友邀請,原來係剛才嘅女店員!(圖片來源:《海岸村恰恰恰》劇照)

隨後兩人成為朋友,經常相約出去食飯、影相、睇戲等等,男網友在女方生日時送上對方常用牌子嘅新款化妝品,而自己生日時,女方亦偷偷預約佢想去好耐嘅餐廳,送咗一件佢想入手好耐嘅大褸同埋一個深情嘅擁抱。

IKEA愛情故事 兩人關係愈來愈曖昧。
兩人關係愈來愈曖昧。(圖片來源:《深深地戀愛》劇照)

男網友表示自己與對方一直都係「友達以上,戀人未滿」嘅關係,直到有一次2日1夜嘅輕旅行中,女方喺床上畀足Signal佢,男網友先大膽同佢發展進一步關係,突破曖昧嘅關係,最終成為男女朋友。

IKEA愛情故事
(圖片來源:《愛的 3.14159》劇照)

網民超羨慕:這些機會…

雖然與拍拖五年嘅前女友分手令男網友傷心欲絕,但都因而得到下一段戀情,佢喺文中笑言如果當初冇訂梳化,都唔會遇到而家嘅女朋友。而連登上有香港網民都紛紛發表意見「一定係靚仔」、「我行埋去,女店員已經叫個男同事來招呼我」,有網民話似故仔,不過都有網民分享類似經歷。

IKEA愛情故事 網民都覺得羨慕。
網民都覺得羨慕。(圖片來源:TVB《星期日檔案》截圖)
IKEA愛情故事 網民表示行埋去已經叫男同事招呼佢啦!
網民表示行埋去已經叫男同事招呼佢啦!(圖片來源:連登討論區截圖)
IKEA愛情故事 有網民分享類似經歷,覺得係真有其事。
有網民分享類似經歷,覺得係真有其事。(圖片來源:連登討論區截圖)

圖片來源:IKEA圖片、[email protected] Péchy、[email protected] Jordan、《深深地戀愛》劇照、《愛的 3.14159》劇照、TVB《星期日檔案》截圖、連登討論區截圖、《海岸村恰恰恰》劇照

最新吃喝玩樂資訊