CHILL CLUB頒獎禮被轟4大問題 音響問題為人詬病！網民狠批：咩收音嚟㗎！

網民力數CHILL CLUB頒獎禮4大問題

1.咪高峰版俄羅斯輪盤

《CHILL CLUB》音響問題一直都為人詬病，咪高峰更是經常出現問題。合唱時一人的咪聲會蓋過其他人的咪聲，甚至是出現壞咪的情況。其中在管弦樂演奏伴奏柳應廷、衛蘭、岑寧兒和呂爵安演唱時，就出現聽不清楚後兩者聲音；而江𤒹生與Nowhere Boys唱《無處遊人》、《信之卷》時甚沒有聲音。

有網民留言指音響問題這麼多年來一直都也沒有改善，並洗版留言促改善問題「點解全部人年年提，啲音響都係咁差？」、「咩收音嚟架…真係救命，收到個個人都冇咗把聲」，有網民留言嘲歌手玩咪高峰版俄羅斯輪盤「音響真係奇差，啲咪好似玩俄羅斯輪盤咁會互搶聲，睇下邊個唔好彩支咪隨時無聲…」、「全個show嘅背景音樂8成人聲2成」。

2.鏡頭「飄移」和「山頂視覺」

除了音響問題之外，運鏡問題同樣極具爭議，更有觀眾形容是災難級。鏡頭經常位置經常移動，除了令鏡頭前的觀眾看不清楚台上歌手表演，而且更經常使用遠鏡令到觀眾只是看到台上歌手變「一點點」。網民指原本很期待 MIRROR 首次演唱英文歌《RUMOURS》的表演，但「飄移」和「山頂視覺」鏡頭令他們非常失望。

網民笑指「我睇Fam Cam都仲清楚過嗰Camman影出嚟嘅畫面」、「細粒到咩都睇唔到，不如個鏡頭唔好郁算啦」。都有網民指鏡頭追不上歌手走位，畫面非常突兀「個攝影師識唔識運鏡架？」

3.用錯MIRROR Logo

最為人詫異的問題是Viu TV 自己的旗下藝人MIRROR的團徽也用錯，節目組錯誤使用一個名為「Mirror Hong Kong Fan Club」專頁照片。在MIRROR演唱《RUMOURS》時，可以看到他們的團徽中間的M字上下反轉。但如此低級的錯誤竟然沒有人發現，有網民嘲：「請問係Update咗logo定係點？」

4.保安執法標準不一

頒獎禮為了可以令觀眾可以清楚看到台上表演，所以在門票上早已寫明禁止帶大面積燈牌入場，也禁止攝錄。但有現場觀眾指現場保安執法不一，有部份觀眾可以帶大機入場，但有部份人卻被趕走。而有部份觀眾又指自己即使把燈牌放在腿上也被保安要求放入袋中，否則便會用電燈照射，而旁邊觀眾都嚴重受影響。