潔癖港男胡亂消毒女友Chanel手袋被大鬧 網民一面倒撐女方 ：買同款賠罪！

潔癖港男好心做錯事 胡亂消毒女友名牌袋被大鬧

雖然疫情已過，但幾年來消毒的習慣都不是一時三刻可以立即改變。最近就有港男因為個人潔癖比較嚴重，特別自從疫情之後，基本上去到邊消毒到邊。點知他「好心」幫女朋友消毒Chanel包包就出大事了！他更將事件放上討論區引來不少網民趁熱鬧！

潔癖港男指因為他出街食飯會清潔餐具，去到邊都會消毒，返到屋企都習慣將隨身物品，手機、銀包、背包抹一抹。早前他和女朋友行完街回到屋企，女友去沖涼時，樓主就順便幫佢清潔下、抹下手機，消毒Chanel名牌手袋。點知當女朋友沖完涼出來，樓主本來想表現出好好暖男的形象，點知女友反而無啦啦大叫一聲，跟住衝過去拎起她個名牌Chanel袋，問港男有無消毒，於是男子就指：噴完消毒，令女朋友大怒！

女朋友指，Chanel名牌手袋是她儲咗好耐錢先買到，咁樣消毒法會好傷皮革，更嬲到罰樓主訓廳。樓主就表示只是好心消一消毒，覺得女友此舉太誇張！

網民：買返同一個名牌手袋賠罪

大部分網民都對於樓主真是好心做壞事，認為女朋友嬲是合理。更有網民指好多人都知真皮手袋本來都不應該用酒精抹，要消毒的話只可以用專用於皮革的消毒用品，不解樓主為何要亂消毒。

有網民就留言指：「買返同一個牌子包包送比佢」、「梗係唔噴得啦，大拿拿十幾萬chanel袋比你用酒精抹，比著我都發脾氣啦」、「噴壞咗個包，咁啱有新款，買過個比佢」。更有人指這次消毒的代價真貴：「噴一噴即刻冇咗10萬！」

另外，亦有不少網民大食花生，認為樓主的女友應該十分看重手袋，提議應該「隔水蒸無咁傷」、「即刻寫張10萬大元支票叫佢收聲」。亦有人指男人成日被港女恰都是有原因的，「有嚴重公主病就係多得樓主呢種所謂暖男！」