Carousell賣手袋遇騙子被呃9萬！財袋雙失過程耐人尋味 網民：當交智商稅！
廣告
網上交易平台讓騙子隱藏真正身份更加容易，買家賣家必須打醒十二分精神。數日前有人於網上討論區分享自己於Carousell被騙經歷，受害人於網上二手買賣平台Carousell以$45,000售出手袋一個，騙子竟然說服到賣家交收後將手袋價錢全額退回後潛水，引起網民熱烈討論，究竟是騙徒手法層出不窮，還是受害者太傻太天真？
Carousell 賣家遇騙子 先過數後面交
事主於連登討論區「 又有Carousell乞兒」 為題開帖，表示自己被「 呃咗個手袋＋$45,000」，與一名自稱Austin的買家約好於中環站交收，為安全起見，賣家提議「過完錢畀我先交貨畀佢」，買家當時亦有將過數收據拍照傳送，並交代賣家「你meeting完拎落樓下就可以，我爸爸話佢到咗樓下」由爸爸代為面交，事主亦不虞有詐將手袋交到「爸爸」手中。
$45,000 財袋雙失 過程耐人尋味
誰不知在完成交收後，Austin主動聯絡事主，表示當時存入的$45,000是由朋友先代付的，希望賣家可以先將數目退回朋友，而Austin 則會另外過數，事主認為「諗住出嚟行講個信字」， 匆忙之下以「轉數快」將金額退回，Austin 留下一句「 你真係好好人，我一定會畀返個好評你」便揚長而去！事主彼時才發現銀行戶口根本沒有收到對方$45,000的過數，致電對方亦得不到回應，才驚醒自己遇到騙子，報警求助。
網民：$90,000 買個好評 當交智商說
事主開貼本想警醒其他人，但其他網民似乎未有表現出什麼同情，加上通話內容截圖中有前言不對後理， 網民除了表示「點睇都睇唔明」之餘，更懷疑樓主隱瞞了什麼內情；其他網民則覺得樓主對一個素未謀面的人「講個信字」簡直不可思議，「見到一個三流騙徒呃咗一個一流智障賣家」； 有網民使用image search 得知Austin 的個人資料圖片是於網上下載，電話號碼亦未必用真正個人資料註冊，勸樓主將此事當作買一個教訓！
撰文：KW圖片來源：FB@thecarousell、LIHKG、TVB《愛回家之開心速遞》截圖
